Ukrainski prajekt «RokRadio» na bazie ŭłasnaj anłajn-płatformy zapuściŭ u efir radyjo strym «RokRadyjoBY», na jakim achvotnyja mohuć słuchać muzyku biełaruskamoŭnych sučasnych i kultavych hrup, piša Espreso.tv.
Akramia biełaruskich, tut taksama buduć pradstaŭlenyja i papularnyja ŭkrainskija rok-hurty.
«Prajekt tolki startavaŭ, ale ŭ płanach užo jość stvareńnie błokaŭ navin, aŭtarskich prahram i inšaha, što tyčycca sučasnaj biełaruskaj kultury, biez dyktatarskich abmiežavańniaŭ», — kažuć zasnavalniki novaha biełaruskaha radyjo ŭ asobie ŭkrainskaha radyjopradziusara Aleha Udavičenki i kiraŭnika Biełaruskaj Rady kultury Siarhieja Budkina.
«Vialikaja kolkaść pradstaŭnikoŭ muzyčnaj industryi vymušana była pakinuć Biełaruś, a vialikaja kolkaść tvoraŭ znachodziacca pad zabaronaj. «RokRadyjoBY» maje na mecie stać placoŭkaj dla takich biełaruskich muzykaŭ u styli rok, a taksama dla tych dziejačaŭ, jakija padtrymlivajuć sapraŭdnuju biełaruskuju ajdentyku. Radyjo zaklikana stać astraŭkom biełaruskaha i ŭkrainskaha roku, a z časam startavaj placoŭkaj sumiesnych kulturnych prajektaŭ», — adznačajuć stvaralniki «RokRadyjoBY».
Słuchać pa radyjo tvorčaść biełaruskich muzyčnych hurtoŭ možna pa spasyłcy.
U płanach radyjo rabić intervju ź biełaruskimi apazicyjnymi kulturnymi, palityčnymi dziejačami, pradstaŭnikami i vajskoŭcami pałka Kastusia Kalinoŭskaha, pry padtrymcy jakoha ŭźnikła radyjostancyja, a taksama z ukraincami, jakija padtrymlivajuć ideju svabodnaj Biełarusi jak siabroŭskaj Ukrainie krainy.
Akramia taho, praduhledžvajecca «źjaŭleńnie ŭ efiry błokaŭ navin ab padziejach va Ukrainie».
«Heta buduć naviny z frontu, kulturnyja inicyjatyvy, ukrainska-biełaruskija adnosiny. Uličvajučy ŭzrovień cenzury i prapahandy ŭ aficyjnych biełaruskich miedyja, takaja opcyja daść mahčymaść biełarusam atrymlivać praŭdzivuju infarmacyju pra padziei va Ukrainie», — upeŭnienyja arhanizatary «RokRadyjoBY».
Ich kamandaj užo raspracavanaja prahrama «RokRadyjoBY» dla smartfonaŭ.
Čytajcie taksama:
Lavon Volski: Ja vydatna razumieju chłopcaŭ z Nizkiz, bo žyŭ takim žyćciom nie adzin hod
Nadzieja Kałač z Irdorath zapisała praniźlivuju pieśniu, narodžanuju ŭ kałonii
«Pieśnia, jakoj ja raźvitajusia z 2023». Premjera ad Siarhieja Bašłykieviča
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary