U BDU pačnuć vučyć pa novaj śpiecyjalnaści «Mižnarodnaja kanfliktałohija»
Rektar BDU Andrej Karol daŭ intervju BiełTA, u jakim siarod inšaha zhadaŭ pra toje, što ŭ novym navučalnym hodzie va ŭniviersitecie płanujecca adkryć try novyja śpiecyjalnaści.
Pavodle słoŭ Karala, upieršyniu ŭ Biełarusi na fakultecie hieahrafii i hieainfarmatyki adkryjecca śpiecyjalnaść «Krainaznaŭstva i pierakładčyckaja dziejnaść» z prysvajeńniem adrazu patrojnaj kvalifikacyi «Hieohraf. Vykładčyk. Pierakładčyk». Ciapier, jak śćviardžaje Karol, abituryjentu nie pryjdziecca vybirać pamiž piedahohikaj i vytvorčaściu, jon atrymaje ŭ kompleksie dva profili: hieahrafičny i fiłałahičny.
Inšyja dźvie śpiecyjalnaści adkryjucca na bazie fakulteta mižnarodnych adnosin: «Mižnarodnaja kanfliktałohija» i «Mižnarodnaja łahistyka». Vypusknikam adpaviedna prysvojać kvalifikacyi «kanfliktołah-mižnarodnik» i «śpiecyjalist pa mižnarodnaj łahistycy».
Kamientary