Staŭ viadomy prysud 67-hadovaj Halinie Kraśnianskaj, što viarnułasia sa Šviecyi ŭ Biełaruś
Halinu Kraśnianskuju asudzili zhodna z artykułam 361-3 (finansavańnie ekstremisckaj dziejnaści).
12 studzienia siabroŭku arhanizacyi «Biełarusy Šviecyi» Halinu Kraśnianskuju asudzili na piać hadoŭ pazbaŭleńnia voli zhodna z artykułam 361-3 (finansavańnie ekstremisckaj dziejnaści).
«My budziem praciahvać padtrymlivać Halinu i jaje siamju: zajava praŭleńnia «Biełarusaŭ Šviecyi». My aburanyja niespraviadlivym prysudam u dačynieńni da Haliny. Z vytokaŭ našaj arhanizacyi Halina zajmałasia raźvićciom biełaruskaj kultury, achviaravała častku siabie na raźvićcio supolnaści biełarusaŭ u Šviecyi, ładziła teatralnyja hurtki. Halina — addanaja, ščyraja biełaruska, jakaja praz hady zachoŭvała mocnuju suviaź ź biełaruskaj kulturaj. My budziem praciahvać padtrymlivać Halinu i jaje siamju», — havorycca ŭ zajavie praŭleńnia «Biełarusaŭ Šviecyi».
Nieviadoma, kali žančyna viarnułasia ŭ Biełaruś, ale nie raniej za viasnu 2023-ha hoda. Apošniaje abnaŭleńnie ŭ jaje fejsbuku datujecca sakavikom, ale apošnija fota sa Šviecyi — kancom 2022-ha.
Data zatrymańnia nieviadomaja taksama, ale vinavaciać jaje pa druhoj častcy artykuła 361-3 Kryminalnaha kodeksa. Pa źviestkach «Viasny», zvyčajna heta aznačaje achviaravańnie biełaruskim dobraachvotnikam abo na dapamohu Ukrainie. Žančynie pahražała ad piaci da dziesiaci hadoŭ turmy — inšaha pakarańnia pa artykule nie praduhledžana.
Sud nad Halinaj Kraśnianskaj pačaŭsia siońnia ŭ Minskim haradskim sudzie.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary