Intelektualnaja ŭłasnaść kampanii stała pradmietam uhody, pry hetym kamanda — nie.
Mabilny raspracoŭščyk Apalon ciaham lutaha-sakavika zvolnić usiu biełaruskuju kamandu (100+ čałaviek), ofis u Minsku zakryjuć, piša Dev.by.
Heta adbudziecca ŭ suviazi z prodažam praduktaŭ Mosaic Group — maciarynskaj kampanii Apalon. Jaje intelektualnaja ŭłasnaść stała pradmietam uhody, pry hetym kamanda — nie.
Amierykanskaja karparacyja IAC pradaje italjanskaj Bending Spoons intelektualnuju ŭłasnaść, dadatki i instrumienty, stvoranyja kamandaj Mosaic Group. Paśla zaviaršeńnia ŭhody 330 supracoŭnikaŭ Mosaic Group zastanucca biez pracy.
Mosaic bazujecca ŭ Ńju-Jorku. Jana była stvorana paśla pahłynańnia karparacyjaj IAC biełaruskaha mabilnaha raspracoŭnika Apalon u 2014 hodzie. U jaje partfolio taksama ŭvachodziać servis dla redahavańnia dakumientaŭ PDF Hero i błakavalnik spam-zvankoŭ RoboKiller.
Što budzie ź minskim ofisam
Ab zvalnieńniach supracoŭnikam Apalon paviedamili 10 studzienia na ahulnym sazvonie, a taksama ŭ ahulnaj rassyłcy.
— U Mosaic kupili tolki pradukty, usie 330 čałaviek va ŭsich łakacyjach, u tym liku ŭ Minsku, z kanca lutaha/pačatku sakavika zastajucca biez pracy. Minski ofis, jak i ŭsie astatnija, začyniajucca. Ciapier asobna z kožnym supracoŭnikam pravodziać sustrečy ŭ farmacie sam-nasam, dzie abmiarkoŭvajuć apošni dzień pracy, vypłaty i h.d, — raspavioŭ devby adzin z supracoŭnikaŭ.
Pa słovach jašče adnaho supracoŭnika, u bolšaści śpiecyjalistaŭ Apalon apošni pracoŭny dzień — 16 lutaha. Častka ludziej zastaniecca jašče na paŭmiesiaca «dla pieradačy viedaŭ pakupniku».
U linktynie jość profili bolš 30 śpiecyjalistaŭ Apalon, jakija znachodziacca ŭ pošuku novaj pracy.
Pavodle infarmacyi Bloomberg, supracoŭniki Mosaic, jakija stracili pracu, atrymajuć vychadnuju dapamohu minimum za 4 miesiacy i bonus za 2023 hod. Adzin z supracoŭnikaŭ Apalon paćvierdziŭ, što ŭsim zvolnienym «vypłaciać niekalki zarobkaŭ, a taksama pakinuć pracoŭnyja noŭtbuki».
Chto budzie zajmacca padtrymkaj praduktaŭ Apalon (kali budzie), nieviadoma.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ5
Kamientary