U Žłobinie 20-hadovy hora-muž z reŭnaści padpaliŭ 19-hadovuju žonku
Jamu nie spadabałasia, što žonka nie vypuskaje z ruk telefon.
U balnicu Žłobina z apiokami cieła pryvieźli 19-hadovuju dziaŭčynu. Pra zdareńnie miedyki paviedamili ŭ milicyju, a tam vyśvietlili abstaviny incydentu, paviedamiŭ milicejski telehram-kanał.
Vyśvietliłasia, što dziaŭčyna i jaje 20-hadovy muž vypivali. Małady čałaviek pryraŭnavaŭ žonku, jakaja ŭvieś viečar nie vypuskała z ruk telefon, i pajšoŭ u chleŭ. Praź niekatory čas viarnuŭsia z kanistraj bienzinu i abliŭ dziaŭčynu.
Paśla kinuŭ zapałku ŭ bok dziaŭčyny — u jaje zaharełasia adzieńnie. Hora-muž spałochaŭsia, patušyŭ ahoń i patelefanavaŭ u chutkuju.
U milicyi jon pryznaŭsia, što navat padumać nie moh, što ŭsio tak abierniecca.
Zaviedziena kryminalnaja sprava za pahrozu zabojstvam.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary