Silicki: Hramadstva źmianiajuć nie apytańni, hramadstva źmianiajuć dziejańni
Bolš za ŭsio sacyjołahaŭ u 2009 hodzie rasčaravała iniertnaść biełarusaŭ, — zajaviŭ kiraŭnik Biełaruskaha instytuta stratehičnych daśledavańniaŭ Vital Silicki.
Bolš za ŭsio sacyjołahaŭ u 2009 hodzie rasčaravała iniertnaść biełarusaŭ, — zajaviŭ kiraŭnik Biełaruskaha instytuta stratehičnych daśledavańniaŭ (BISS, Litva) Vital Silicki.
«Padčas realizacyi našych daśledčych prahram sumiesna z aksijamietryčnaj łabaratoryjaj «Novak» my praviali niekalki daśledavańniaŭ, danyja jakich mohuć słužyć dla paraŭnańnia ź inšymi daśledavańniami, skažam, hadoŭ praz dvaccać. My stvaryli kropku adliku ŭ niejkich ekanamičnych, palityčnych hledžańniach, nacyjanalnaj identyčnaści i h.d.», — skazaŭ Silicki.
Jak adznačyŭ sacyjołah, asabista jaho vielmi ździviła daśledavańnie, jakoje tyčycca kryzisu.
«Bolšaja častka hramadstva chapajecca za staroje — jašče macniej, čym ułada. Jany nie raźličvajuć na siabie, jany dumajuć, što chtości pryjdzie i im usio daść, — skazaŭ Silicki. —Dziviać paradoksy. Naprykład,
absalutna stanoŭčaje staŭleńnie da tych, chto sprabuje prapahandavać biełaruskuju movu i kulturu, i ŭ toj ža čas — poŭnaja niezacikaŭlenaść va ŭłasnym udziele ŭ hetym pracesie. Hramadstva padtrymlivaje pradprymalnikaŭ — ale samo ŭ heta leźci nie žadaje».
«Heta samaja cikavaja rysa siońniašniaha biełaruskaha hramadstva: možna padtrymać usio, što zaŭhodna, kali tolki heta nie adarvie mianie ad kanapy i nie prymusić mianie ŭ čymści aktyŭna ŭdzielničać», — zajaviŭ sacyjołah.
Pry hetym jon adznačyŭ, što apytańni — usiaho tolki adpraŭnaja kropka dla dziejańniaŭ. «My rady, kali dapamahli tym ža pradprymalnikam, tym ža prajeŭrapiejskim siłam, jakija źbirali Kanhres jeŭrapiejskich sił, toj ža kampanii «Budźma». Kali ŭ vyniku dziejańniaŭ kampanii «Budźma» praz try hady štości źmienicca ŭ biełaruskim hramadstvie — u hetym budzie i naš układ.
Ale apytańni nie źmianiajuć hramadstva — hramadstva źmianiajuć dziejańni ludziej», — skazaŭ Silicki.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary