Žurnalisty puła Karanika pryvieźli aleniam 2,5 tony hniłoj sadaviny. Žyvioły jeści nie stali
U tyktok-kanale fotažurnalista puła kiraŭnika Hrodzienskaj vobłaści Uładzimira Karanika vykłali videa, jak aleniaŭ sprabujuć nakarmić zaćviłymi apielsinami, avakada, manha, zaŭvažyŭ Hrodna.life.
Arciom Turłaj, fotažurnalist puła Karanika raspaviadaje, što jany pryvieźli 2,5 tony sadaviny i harodniny.
Na videa bačnyja piercy, ahurki, piekinskaja kapusta, pamidory, šmat apielsinaŭ, mandaryny, jość manha i navat pamieła. Ale ŭsio heta bahaćcie mocna sapsavanaje, u ćvili, a sa skryniaŭ ciače ciomnaja vadkaść. Usim hetym vyrašyli nakarmić aleniaŭ.
«Pryvieźli aleniam čatyry kantejniery sadaviny pa 700 kh. Avakada, ahurki, pierac, bakłažany, mandaryny, pamieła, hrušy i jabłyki», — padpisaŭ aŭtar videa.
«Łasunki my vyhruzili. Usio raspakavali i ciapier idziom va ŭkryćcio — budziem hladzieć, pryjduć aleni jeści ci nie», — patłumačyŭ toje, što adbyvajecca ŭ videa, Arciom Turłaj.
Aleni sapraŭdy vyjšli ź lesu, ale jeści nie stali.
Skul uzialisia 2,5 tony sapsavanych praduktaŭ, u videa nie ŭdakładniajuć.
U kamientarach da videa ludzi dziviacca, što aleniaŭ kormiać cytrusavymi, i adznačajuć, što ŭ ich paśla hetaha buduć prablemy.
«My byli ŭ zaaparku, chacieli ahurkom pakarmić, rabotniki skazali aleniu ahurok nielha, karmili jahadami», — napisała dziaŭčyna. «My sprabavali pakarmić aleniaŭ mandarynami, ich adpudžvaŭ pach cytrusavy. A chleb jeli)», — padzialiłasia inšaja.
Ludzi adznačali škodu ćvili dla žyvioł. «Spadziajusia, nichto z žyvioł nie zahinuŭ», — chvalujecca kamientatar.
«Smakoćcie ź ćvillu. Mnohim žyviołam nielha cytrusavyja. Avakada asabliva, ich kostački atrutnyja dla ich. Zrabiŭ dabro nazyvajecca», — napisali ŭ kanale.
«Navat aleni nie zachacieli praterminoŭku jeści», — reziumavaŭ niechta.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary