Minskaje kafe ŭniesła dziaŭčynu ŭ čorny śpis — pryčyna niestandartnaja
Dziaŭčyna adśviatkavała svoj dzień naradžeńnia ŭ staličnym kafe. Absłuhoŭvańnie, ježa dy interjery vielmi spadabalisia. Ale kali nastupnym razam jana zachacieła naviedać bistro, niečakana vyśvietliłasia, što patrapiła ŭ čorny śpis.
Historyju Liza raspaviała ŭ svaim tyktoku. Usio pačałosia ŭ listapadzie minułaha hoda. Tady dziaŭčyna šukała, dzie adśviatkavać svoj 21-šy dzień naradžeńnia. Vyrašyła zaprasić siabrovak u znakamitaje bistro z rusałkami — Mon Nom. Jana viedała, što ŭ hetaha kafe jość praviła: zabraniravać stolik možna tolki dla kampanii, u jakoj minimum piać čałaviek (kali haściej mienš, jany zajmajuć miesca pa žyvoj čarzie). Błohierku heta całkam zadavalniała, bo jana płanavała śviatkavać razam z čatyrma siabroŭkami.
— Na žal, u dzień majho naradžeńnia adna ź siabrovak zachvareła i skazała, što nie moža pryjści. Nie admianiać ža mnie z-za hetaha ŭsio śviata i nie psavać sabie nastroj. Va ŭstanovie było ŭtulna i vielmi miła, da nas dobra staviŭsia ŭvieś piersanał i nichto ničoha nie spytaŭ pra piataha čałavieka. Ja apłaciła rachunak, pakinuła haściniec i spakojna pajšła.
A niadaŭna dziaŭčyna znoŭ zachacieła naviedać Mon Nom. Jana stała šukać staronku kafe ŭ instahramie, adnak nieŭzabavie zrazumieła, što pa niejkich pryčynach jaje zabłakavali. Jana ździviłasia i paprasiła siabroŭku napisać u dyrekt bistro i vyśvietlić, u čym ža pryčyna. Taja atrymała adkaz: «Błakirujucca akaŭnty, jakija nie vykonvali praviły braniravańnia».
— Dyk voś, u mianie pytańnie da Mon Nom: raskažycie mnie, kali łaska, kali ŭ mianie zachvareła siabroŭka ŭ dzień naradžeńnia, ja pavinna pisać vam i davać spravazdaču ab kolkaści haściej i zryvać sabie śviata? Ci ja pavinna była šukać sabie novaje miesca ŭ viečar suboty? Nas byŭ nie adzin čałaviek, nie dva. Nas było čaćviora. Ale, na žal, hetaje kafe nie žadaje mianie bačyć.
Za dva dni videa nabrała amal 360 tysiač prahladaŭ. Mierkavańni kamientataraŭ padzialilisia. Chtości ličyć dziŭnaj palityku bistro, z-za jakoj nielha zabraniravać stolik mienš, čym na piać čałaviek. Inšyja ŭpeŭnienyja, što dziaŭčyna pavinna była papiaredzić chostes pra źmienu kolkaści haściej i spadziavacca, što ŭ honar śviata dla jaje zrobiać vyklučeńnie.
Ciapier čytajuć
Vaskrasienski: Adkryvajecca nieba — i Aleś Bialacki adrazu vychodzić2
Kamientary
Klijent ni zausiedy prau...čałavieka pravy ?? Kanarejka ciabie u " hrynpis" Pazbaulajcieś ad " mitau"