«Zacikaviła fraza pra toje, što admaŭlaŭ hienacyd u paślavajenny pieryjad». Siarhiej Dubaviec adkazaŭ na abvinavačvańni Hienprakuratury
«Adzinaja reakcyja, jakoj jany zasłuhoŭvajuć — dyskusija. Ale dyskusii chunta-banda vieści nie ŭmieje».
Žurnalist Radyjo Svaboda adreahavaŭ na infarmacyju pra zaviadzieńnie suprać jaho kryminalnaj spravy pa 6 artykułach.
U 1995 hodzie paśla pahromu parłamienta Vasil Bykaŭ nazvaŭ režym Łukašenki chuntaj, a moj siabra, deputat Viarchoŭnaha Savietu i redaktar haziety «Svaboda» Ihar Hiermiančuk — bandaj. Ničoha nie źmianiłasia za hetyja 30 hadoŭ. Važna mieć na ŭvazie svaje ŭłasnyja dumki i dziejańni. Usie maje razvahi ŭ publičnaj prastory stroha padparadkavanyja abjektyŭnym faktam, Kanstytucyi Biełarusi i kodeksu žurnalista Radyjo Svaboda.
Adzinaja reakcyja, jakoj jany zasłuhoŭvajuć — dyskusija. Ale dyskusii chunta-banda vieści nie ŭmieje.
Na kožnaje inšadumstva adzin adkaz — kryminalnaja sprava i turma. Usprymaju heta z peŭnaj udziačnaściu, jak jašče adno pryznańnie racyi adekvatnych biełarusaŭ, jakich mama vučyła pravilnym rečam. Ciapier ja całkam pazbaŭleny zhryzotaŭ sumleńnia adnosna taho, što musiŭ vyjechać ź Biełarusi.
Što da ciažkaści majho «złačynstva», dyk jano pryblizna takoje, jak mahnicik na ladoŭni, pryznany pikietam i zabaronienym masavym mierapryjemstvam. U farmuloŭkach prakuratury asabliva zacikaviła fraza pra «otricał fakt hienocida biełorusskoho naroda v… poślevojennyj pieriod». Hetaha ja nie admaŭlaŭ dakładna, ale zadumacca jość pra što», — zaznačaje Siarhiej Dubaviec.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?7
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary