Za kratami znachodzicca 17 supracoŭnikaŭ Biełsata — dyrektarka telekanała
Dyrektarka telekanała Ahnieška Ramašeŭska-Huzy nazvała ličbu źniavolenych žurnalistaŭ vydańnia.
Fota: Radyjo Svaboda
«A my ŭ «Biełsacie» paśla 16 hadoŭ ciažkaj pracy tolki što atrymali padaŭžeńnie svajho «žyćcia» na miesiac… I my rady, što chacia b na miesiac», — napisała ŭ siabie ŭ fejsbuku dyrektarka telekanała Ahnieška Ramašeŭska-Huzy.
Jana adznačyła, što 80% supracoŭnikaŭ «Biełsata» — emihranty bieź finansavaj paduški, a 17 supracoŭnikaŭ siadziać u biełaruskich turmach. I zaklikała polskich palitykaŭ i kalehaŭ-žurnalistaŭ nie zabyvać, što «na ŭschod ad nas, prosta za płotam praciahvajecca pažar, napad bandytaŭ dy inšaha kštałtu niepryjemnaści».
12 studzienia novaje kiraŭnictva Polskaj televizii (TVP) pazbaviła dyrektarat «Biełsata» finansavych paŭnamoctvaŭ. Dyrektarka telekanału Ahnieška Ramašeŭskaja-Huzy zajaviła ab pahrozie spynieńnia pracy ciaham miesiaca.
Tady jana adznačała, što pazbaŭleńnie finansavych paŭnamoctvaŭ — heta nie zvalnieńnie, adnak de-fakta jana nie moža vieści haspadarčuju dziejnaść kanała Ciapier ža minimum na miesiac hetaje pytańnie vyrašyłasia, paviedamlaje telekanał.
Situacyja stała vynikam źmieny kiraŭnictva Polskaj televizii. Kadravyja pierastanoŭki inicyjavała novaja ŭłada, što pryjšła paśla parłamienckich vybaraŭ. Byŭ taksama zvolnieny mieniedžmient Polskaha radyjo i Polskaj ahiencyi druku.
Va ŭradzie svaje dziejańni tłumačać nieabchodnaściu «adnavić niezaležnaść, abjektyŭnaść i pluralizm u realizacyi hramadskaj misii» dziaržaŭnych miedyja. Prezident Polščy Andžej Duda nazvaŭ kadravyja pierastanoŭki niezakonnymi.
Ciapier usie hetyja dziaržaŭnyja miedyja jurydyčna znachodziacca ŭ stadyi likvidacyi praz toje, što prezident adchiliŭ prajekt biudžetu, jaki praduhledžvaŭ dla redakcyjaŭ 3 młrd złotych (u pieraliku kala 750 młn dalaraŭ). Taki status nieabchodny, kab dziejnaść miedyja praciahvałasia i była mahčymaść pravieści restrukturyzacyju.
Pra nieabchodnaść padtrymańnia «Biełsata» kazała Śviatłana Cichanoŭskaja padčas sustrečaŭ u Varšavie z kiraŭnictvam MZS, śpikierami Siejma i Sienata Polščy, a taksama ź siabrami Kamiteta zamiežnych spravaŭ Siejma.
Ciapier čytajuć
Za padpisku na kanały treš-błohiera Mełstroja ciapier buduć karać1
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
Moža palaki nie chočuć takoje finansavać?
Čamu na biełaruskim telekanale Biełsat pracujuć rasiejcy? Čamu Polšča pavinna finansavać rasiejcaŭ i rasiejskija pieradačy?