U Kijevie nazvali sapraŭdnym śpis pałonnych dla abmienu ŭ dzień krušeńnia Ił-76
Kijeŭ paćvierdziŭ, što 65 ukrainskich vajennapałonnych z apublikavanaha Simańjan u dzień krušeńnia Ił-76 śpisu pavinny byli ŭdzielničać u abmienie.
Ukrainski kaardynacyjny štab pa pytańniach abychodžańnia z vajennapałonnymi paćvierdziŭ, što 65 pałonnych sa śpisu, jaki paśla krušeńnia rasijskaha vajennaha samalota Ił-76 apublikavała hałoŭnaja redaktarka RT Marharyta Simańjan, sapraŭdy pavinny byli ŭdzielničać u abmienie 24 studzienia. Pra heta štab paviedamiŭ u fejsbuku.
U publikacyi adznačajecca, što apytanyja svajaki vajennapałonnych z hetaha śpisu, aznajomiŭšysia ź videamateryjałami rasiejskaha boku, na prademanstravanych u ich frahmientach ciełaŭ nie znajšli prykmiet, jakija pakazvali b na ich blizkich.
Paśla publikacyi Simańjan RTVI i niekalki ŭkrainskich ŚMI paviedamlali, što 18 z 65 nazvanych u śpisie vajskoŭcaŭ abmianiali 3 studzienia. Ukrainski ambudsmien Dźmitryj Łubiniec taksama raspavioŭ Reuters, što niekatoryja vajskoŭcy z hetaha śpisu ŭžo byli abmienienyja. Simańjan nazvała takija paviedamleńni ŭkidam i zajaviła, što ŭkrainski bok uzhadniŭ śpis tryma dniami raniej.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary