Mody4343

Biznesvumien daviedałasia, kolki kaštuje raźmiaščeńnie nazvy jaje kramy na fasadzie «Hryn Sici». Suma jaje šakavała

Biznesvumien Volha Hleb, žonka futbalista Viačasłava Hleba, maje ŭłasny brend žanočaha adzieńnia. Kramy Moshe jość u troch handlovych centrach Minska. U instahramie Volha raspaviała, što kali daviedałasia, kolki płacić za šyldu ŭłasnaj kramy na fasadzie «Hryn Sici», to ździviłasia.

Skrynšot storys u instahramie Volhi Hleb

— Viedajecie, niadaŭna daviedvałasia, kolki my płacim za našu šyldu na handlovym centry «Hryn». Kali ščyra, ja była ŭ šoku. Ci to ja nie viedała hetaha raniej, ci to što… Chutčej za ŭsio, šyldy chutka nie budzie, bo heta nienarmalna. Heta jak dźvie vielmi dobryja zarpłaty supracoŭnikaŭ (naprykład, letaś brend šukaŭ švačku na zarobak ad 1700 rubloŭ. — «NN»), — paskardziłasia ŭ storys Volha.

Žančyna spadziajecca, što pakupniki i tak viedajuć pra isnavańnie jaje kramy žanočaha adzieńnia ŭ «Hryn Sici» i znojduć jaje navat biez šyldy.

Skrynšot storys u instahramie Volhi Hleb

Volha paskardziłasia na toje, što ciapier nie vielmi prosta ŭtrymlivać kramu ŭ handlovym centry. U jakaści dokazu biznesvumien pakazała, što vialikaja krama pobač ź joj začyniłasia.

Brend Moshe isnuje z 2016 hoda. Pa słovach Volhi, da 30 hadoŭ jana žyła žyćciom svajho muža futbalista Viačasłava Hleba, a potym rašyła zapuścić svaju spravu.

U raniejšych intervju Volha raspaviadała, što joj vielmi padabajecca dobra apranacca. Kali na čarhovaj viečarynie jana atrymała šmat kamplimientaŭ nakont svajoj sukienki, zadumałasia: a čamu b nie pačać pryvozić u Minsk cikavyja madeli.

Dalej žančyna pačała vyvučać asartymient kitajskich sajtaŭ. Skinułasia z mamaj i siastroj pa 200 dalaraŭ i zamoviła vosiem sukienak. Žartavała, što śpiecyjalna nabyvała mienavita toje adzieńnie, jakoje padyšło pa pamiery joj i siastry — kab u vypadku niaŭdačy prosta pakinuć sukienki sabie i nikomu nie raskazvać pra niaŭdały prajekt.

Ale ž madeli chutka raskupili — pieršymi pakupnicami stali znajomyja, jakija pryjazdžali na prymierku prosta ŭ kvateru Volhi. Potym jana pazyčyła ŭ muža na pašyreńnie biznesu dźvie tysiačy dalaraŭ, jakija viarnuła praz paŭhoda.

Praź niejki čas žančyna pačała adšyvać adzieńnie ŭ Biełarusi. Kaža, što, pa-pieršaje, dastaŭka zajmała šmat času, a pa-druhoje, fihury kitajanak i biełarusak adroźnivajucca, tamu niekatoryja sukienki rasčaroŭvali. 

Volha kazała, što jaje štomiesiačny dachod roŭny zarpłacie siaredniestatystyčnaha biełaruskaha futbalista Vyšejšaj lihi i što jana zarablaje ŭžo bolš, čym jaje muž.

Kamientary43

  • da 30 hadoŭ jana žyła žyćciom svajho muža futbalista
    30.01.2024
    jana zarablaje... na rabach, jakim nie dapłočvaje
  • EMIL
    30.01.2024
    Chorošieje nazvanije dla firmy - Mošie!
    Znał ja odnoho biełorusa Mošie, da i tot v Izrail ujechał.
    Mnie vot bolšie nravitsia nazvanije - Hołda Miejier, s priedkami iz Pinska. A niet li v zavyšiennoj cienie za riekłamu priznakov skrytoho antisiemitizma?!
  • Bobr
    30.01.2024
    Usie my raby, tolki kajdany inšyja: kredyty, kamunałka, pracoŭnaje miesca, internat. Rabstva lepiej, pracuj i hałava nie balić, pan daje ježu, pitvo i łožak
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kiraŭnik «Jeŭraopta» vyjšaŭ na svabodu2

Kiraŭnik «Jeŭraopta» vyjšaŭ na svabodu

Usie naviny →
Usie naviny

Biełarus znajšoŭ na nabytym učastku dziŭnyja rečy na vypadak apakalipsisu

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

U Minsku piaty hod žyvie finski biznesoviec sa śpisu samych šukanych Eŭrapołam złačyncaŭ2

Brytanija, Francyja i Kanada pryhrazili Izrailu «kankretnymi dziejańniami»7

Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu12

U MARH pryznalisia, što prablemy z cybulaj dla ich nie niečakanyja4

Zialenski paśla razmovy z Trampam: Vyvodzić našy vojski z našych terytoryj nichto nie budzie4

Kamu Łukašenka apošnim časam daviaraje svaju achovu?7

Vy — pracaholik i časta pierapracoŭvajecie? Navukoŭcy vyśvietlili, jak heta źmianiaje mozh6

bolš čytanych navin
bolš łajkanych navin

Kiraŭnik «Jeŭraopta» vyjšaŭ na svabodu2

Kiraŭnik «Jeŭraopta» vyjšaŭ na svabodu

Hałoŭnaje
Usie naviny →

Zaŭvaha:

 

 

 

 

Zakryć Paviedamić