Žurnalistka Kaciaryna Pytleva, jakaja apošnija hady była prahramnaj dyrektarkaj prajekta Malanka.media, zajaviła pra raźvitańnie ź im. Jana pryśviaciła hetaj padziei ŭ svaim žyćci asobny post u instahramie.
Kaciaryna Pytleva padkreślivaje važnaść svajho raniejšaha prajekta i pazityŭnuju dynamiku ŭ jaho raźvićci:
«Kali ja pryjšła na Małanku krychu bolš za try hady tamu, heta byŭ nievialiki YouTube-kanał z aŭdytoryjaj krychu mienš čym u 20K padpisčykaŭ, jakomu było kala dvuch miesiacaŭ i jaki mała chto viedaŭ. I mnie radasna, što ja sychodžu na piku — resurs u svajoj najlepšaj formie za ŭsie hady isnavańnia, z topavymi prahladami na dvuch kanałach i ŭ tyktoku. Ciapier heta ŭžo nie błohierstva, a paŭnavartasnaje miedyja na niekalki kanałaŭ i z ułasnym sajtam navin».
Pavodle słoŭ Kaciaryny, praca na hetym resursie «biascenny dośvied dla mianie, ja zrazumieła, što mahu ŭsio, u tym liku i z nula budavać redakcyi, i naładzić pracu tak, kab u maleńkaj kamandy byli vychodnyja».
Kankretnyja pryčyny raźvitańnia z resursam jana, adnak, nie nazvała i patłumačyła: «Nie chaču škodzić kamandzie i prajektu, u jaki ja ŭkłała zdaroŭje, dušu i stolki sił». Adznačyła tolki, što «majoj hałoŭnaj pamyłkaj stała toje, što ja blizka da serca pryniała hety prajekt, zabyŭšysia, što ja ŭsiaho tolki najomny pracaŭnik».
Možna mierkavać, što raźvitańnie było ciažkaje, bo Pytleva adznačaje, što «mnie navat nie dali pravieści raźvitalny efir».
Sama ž jana «adpuskaje i idzie dalej», padziakavaŭšy i prychilnikam, i niadobrazyčliŭcam, a taksama pažadaŭšy ŭdačy tym, chto ŭ prajekcie zastajecca.
«Majo novaje žyćcio mnie ŭžo vielmi padabajecca, dychaju na poŭnyja hrudzi, narešcie znoŭ uśmichajusia i tanču, tak što ŭsio da lepšaha», — zaviaršaje svoj post Kaciaryna Pytleva.
Da 2020 hoda Kaciaryna Pytleva pracavała na BT, dzie viała prahramu «Dzień u Vialikim Horadzie». Adnak letam 2020-ha, u chodzie vybarčaj kampanii, jana publična vystupiła ŭ padtrymku pieramienaŭ, paśla čaho jaje adchilili ad efiraŭ i zvolnili. U kancy 2020-ha Pytleva razam ź siamjoj pakinuła Biełaruś, źjechaŭšy ŭ Vilniu.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Tak čto zachlebniś užie svojej zavisťju i žiełċju, niedareka