Na junijorskim čempijanacie Jeŭropy pa bijatłonie pieramoh spartsmien z zusim niečakanaj krainy
Z 7 pa 11 lutaha ŭ polskich Jakušycach prachodzić junijorski čempijanat Jeŭropy. Heta, u adroźnieńnie ad čempijanataŭ śvietu, spabornictvy zusim nie prestyžnyja, u ich nie ŭdzielničajuć pradstaŭniki topavych bijatłonnych krain: Narviehii, Francyi, Hiermanii i Šviecyi. Ale pieramožca ŭ adnoj z dyscyplin hetym razam atrymaŭsia zusim niečakany, piša «Trybuna».
Pieramohu ŭ indyvidualnaj honcy z vynikam 44.34,8 (0+0+0+0) atrymaŭ pradstaŭnik dalokaj Manholii Enchbat Enchsajchan. 1,6 siekundy jamu prajhraŭ pradstaŭnik Finlandyi Kale Łoŭkaanchuchta. Trecim da finišu pryjšoŭ estoniec Jakub Kulbin.
Dla manholskaha bijatłona załaty miedal Enchsajchana staŭ pieršym na mižnarodnych spabornictvach. Ciapier chłopcu 21 hod, pry hetym na etapach Kubka śvietu pa bijatłonie jon udzielničaŭ tolki dvojčy — zaniaŭšy 82-je i 111-je miescy. Na junijorskim Kubku IBU uradženiec Ułan-Batara zaniaŭ 14-je miesca ŭ ahulnym zaliku i dvojčy trapiŭ u top-10 u indyvidualnych honkach.
A jašče bijatłanist papularny dziakujučy žartaŭlivamu videa sa svajho instahrama, u jakim jon pakazaŭ svaju trenirovačnuju formu. U jaje ŭvajšli karunkavyja trusy.
Manholija terytaryjalna znachodzicca ŭ Azii i nie maje dačynieńnia da Jeŭropy. Ale čempijanat Jeŭropy adbyvajecca ŭ adkrytym farmacie. Hetym razam u hetych spabornictvach, aprača spartsmienaŭ z Manholii, udzielničali taksama pradstaŭniki ZŠA, Aŭstralii i Brazilii.
Darečy, zbornuju Manholiju pa bijatłonie treniruje ciapier biełaruski śpiecyjalist — alimpijski čempijon 1988 hoda i čatyrochrazovy čempijon śvietu 58-hadovy Alaksandr Papoŭ. Apošnija dva čempijonskija tytuły jon zavajavaŭ užo vystupajučy za zbornuju niezaležnaj Biełarusi ŭ 1996 i 1997 hadach. Uvohule ŭ 1990-ja hady jon byŭ adnym ź lidaraŭ biełaruskaj zbornaj, choć sam pachodzić z rasijskaha Tabolska i ŭ Biełaruś pryjechaŭ tolki ŭ 1989-m.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary