Sienat ZŠA padtrymaŭ zakonaprajekt ab dapamozie Ukrainie, Izrailu i Tajvaniu na 95 miljardaŭ dalaraŭ
Zaraz jaho pavinna razhledzieć Pałata pradstaŭnikoŭ, jakaja kantralujecca respublikancami.
Sienat ZŠA ŭchvaliŭ zakonaprajekt, jaki praduhledžvaje 95 miljardaŭ dalaraŭ na dapamohu Ukrainie, Izrailu i Tajvaniu. Za zakonaprajekt prahałasavali 70 sienataraŭ, suprać — 29, paviedamlaje «Dožd́».
Ciapier prajekt pavinna razhledzieć Pałata pradstaŭnikoŭ, dzie bolšaść naležyć respublikancam. Śpikier nižniaj pałaty parłamienta Majk Džonsan užo raskrytykavaŭ dakumient z-za taho, što ŭ jaho nie ŭklučyli biudžet na ŭzmacnieńnie miažy ź Mieksikaj.
«Pakolki Sienat nie atrymaŭ nivodnaj źmieny adnosna pytańnia ŭmacavańnia paŭdniovaj miažy, pałacie pradstaŭnikoŭ daviadziecca praciahvać dziejničać pa ŭłasnaj voli pa hetych važnych pytańniach», — skazaŭ Džonsan.
Papiaredniaja viersija zakonaprajekta, uzhodnienaja sienatarami, praduhledžvała 20 młrd dalaraŭ na biaśpieku miažy. Adnak tady Majk Džonsan nazvaŭ prajekt «miortvanarodžanym». U vyniku 7 lutaha respublikancy ŭ Pałacie pradstaŭnikoŭ jaho zabłakavali.
Respublikancy nastojvajuć na tym, što dapamoha Ukrainie pavinna być uviazana z maštabnymi reformami ŭ śfiery imihracyi i pierahladu palityki vydačy prytułku ŭ ZŠA. U śniežni 2023 hoda jany svaim hałasavańniem u Sienacie ŭžo błakiravali zakonaprajekt.
Bieły dom raniej nieadnarazova zajaŭlaŭ, što biez uchvaleńnia hetaha finansavańnia hrošaj na padtrymku Ukrainy ŭ ZŠA nie budzie. Bajden nazyvaŭ taki raskład «padarunkam» dla Uładzimira Pucina.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary