Hramadstva1111

Hajdukievič daŭ intervju «ekstremisckamu» vydańniu i raskazaŭ, čamu členy jahonaj partyi vyhladajuć jak kłony

Aleh Hajdukievič adhuknuŭsia na prośbu vydańnia «Lusterka» prakamientavać niadaŭni rolik «Moładzievaha błoka», u jakim roznyja kandydaty ad ŁDPB družna pramaŭlajuć adnyja i tyja ž słovy. U vyniku faktyčna atrymałasia vialikaje intervju z praŭładnym dziejačam. I heta pry tym, što «Lusterka», jak i pieravažnaja bolšaść astatnich niezaležnych ŚMI, pryznana režymam Łukašenki «ekstremisckim», i zvyčajnych ludziej za kantakty ź imi, pry poŭnym uchvaleńni taho ž Hajdukieviča, surova pieraśledujuć.

Hajdukievič navat nie chavaje taho, što svaich pohladaŭ u členaŭ jahonaj partyi niama, i ličyć heta plusam, a nie minusam. Bolš taho, havorać usie adno i toje ž jany nie tolki ciapier, ale i zaŭsiody:

«Toj, chto hetuju narezku rabiŭ, jon durań, tamu što toje samaje było ŭ 2019-m hodzie na vybarach u parłamient i pačynajučy ź pieršych parłamienckich vybaraŭ. I budzie dalej tak. Bolš za toje, ja hanarusia, što prahrama partyi nie źmianiałasia z momantu pryniaćcia ŭ 1994 hodzie. Heta dasiahnieńnie — kali partyja kožny hod nie mianiaje prahramu i nie admaŭlajecca ad svaich pohladaŭ. I my idziom adnoj kamandaj. I heta majo rašeńnie, kab usie vystupali z adnymi tezisami. Čałaviek uklučyć televizar u luby čas — nieabaviazkova ž jon uklučyŭ, kali pa jaho akruzie vystupaje kandydat — pasłuchaje i zrazumieje: heta Libieralna-demakratyčnaja partyja Biełarusi… I tak było, jość i budzie. I tak pavinna być va ŭsich, kali ludzi iduć ad partyi, heta značyć jany pavinny iści z adnoj prahramaj».

Prytym niavažna, što ŭ kožnaha deputata nibyta svaja akruha sa svaimi prablemami. Pra asobnyja prablemy možna havaryć na žyvych sustrečach, a pa televizaru, maŭlaŭ, sam boh kazaŭ havaryć usim adno i toje ž:

«Hety vystup pa televizary — čatyry chviliny, treba achapić usiu krainu. U kožnaha kandydata ŭ deputaty — čatyry chviliny! I nie fakt, što mienavita hety vystup čałaviek atrymaŭ. Tamu jon uklučyć u luby dzień i ŭbačyć kandydata ŁDPB — budzie viedać, što voś takaja prahrama partyi… I tak było na kožnych vybarach, i budzie i praź piać hadoŭ, i praź dziesiać, i praz 15, i praz 20 paśla».

Paśla hetaha jon na prośbu redakcyi «Lusterka» padrabiazna prakamientavaŭ kožny punkt partyjnaj prahramy, robiačy heta ŭ svaim zvyčajnym demahahičnym styli, čaściej za ŭsio prosta adkryta chłusiačy. Tak, naprykład, pavodle Hajdukieviča, u Biełarusi

«samaje demakratyčnaje zakanadaŭstva i samaja dobraja milicyja. Ja naohuł prychilnik jašče ŭzmacnieńnia žorstkaści, tamu što dabrejšaj za biełaruskuju milicyju niama ŭ Jeŭropie. Naša MUS zanadta miakkaje, zanadta dobraje. Kali treba budzie, zrobim jašče bolš žorstkim, i heta budzie ŭ 100 razoŭ miakčej, čym u ZŠA i ŭ Jeŭropie».

Adkazy na inšyja pytańni vytrymanyja pryblizna ŭ takim ža styli, i z tym ža źmiastoŭnym napaŭnieńniem. Kali havorka zajšła pra moŭnaje pytańnie, a mienavita pra toje, što kandydaty ad ŁDPR zajaŭlajuć, što «dźvie dziaržaŭnyja movy ŭ Biełarusi — heta honar», a na praktycy biełaruskaja mova dyskryminujecca, to Hajdukievič paćvierdziŭ hety tezis i zajaviŭ, što sam, maŭlaŭ, vydatna havoryć pa-biełarusku. Ale kali jamu pa-biełarusku prapanavali prademanstravać heta na praktycy, adkaz byŭ taki:

«Abaviazkova pasprabujem, no siejčas ja otviečaju na russkom — u nas dva hosudarstviennych jazyka».

Čytajcie taksama:

Hajdukievič znoŭ vystaviŭ u telehram-kanał niešta nie toje

«Navat moj pałavy orhan vyjhraje vybary». Hajdukievič raspavioŭ pra asablivaści biełaruskaj vybarčaj sistemy

U kanale Aleha Hajdukieviča apublikavali dykpik. Padobna, z deputackaj rukoj

Kamientary11

  • Zakon
    14.02.2024
    A čto tam s ch..m Oležiek? Dvie uhołovnych staťji na tiebia nado zavodiť
  • Musarok
    14.02.2024
    Vasia, jak nie sutykaŭsia z musarami? Jon šmat hadoŭ u musarni pracavaŭ.
  • Musarok
    14.02.2024
    Aležka, a tvoj baćka ŭsio ž byŭ mudrejšy i chitrejšy palityk. Dy i čeles svoj nie diemanstravaŭ na publiku. A ty tak, zvyčajny mient z rajonnaha raus. Pryroda na tabie adpačnuła

Ciapier čytajuć

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Usie naviny →
Usie naviny

Čamadanava raskazała, što kateharyčna nielha abmiarkoŭvać na kuchniach28

«Bolš hladzicie biełaruskaje telebačańnie». Čynoŭnik ź Miniusta adkazaŭ na zakłapočanaść umovami ŭtrymańnia palitviaźniaŭ8

U Minsku za vyroščvańnie kanoplaŭ zatrymali ŭładalnika načnoha kłuba4

U kałonii adpravili tolki 27% karupcyjanieraŭ. A 67% adpuścili dadomu

Małdaŭski aliharch Płachatniuk pryjazdžaŭ u Maskvu i Minsk z čužym pašpartam

«Mnie pahražali rasstrełam». Jak pieraśledujuć biełarusaŭ pa «spravie dvarovych čataŭ»4

Keci Pery schadziła na spatkańnie z Džaścinam Trudo6

Bijatłanistka Łaŭra Dalmajer zahinuła ŭ harach Pakistana2

Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy9

bolš čytanych navin
bolš łajkanych navin

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić