Zianon Paźniak — pra Juliju Navalnuju: Kucharka-2, u manierach madam piščyć FSB
Lidar ruchu «Volnaja Biełaruś» Zianon Paźniak niekalki dzion nie reahavaŭ na śmierć u turmie adnaho ź lidaraŭ rasijskaj apazicyi Alaksieja Navalnaha, ale 20 lutaha nadrukavaŭ tekst na hetu temu, jaki, praŭda, nie stolki pra niabožčyka, kolki pra jahonuju ŭdavu. Atrymałasia jak zaŭsiody vielmi krytyčna i bieskampramisna.
«Družba i dačynieńni pamiž impiercami zvyčajna zakančvajucca zabojstvami. Trahładzity pažyrajuć adzin adnaho. Heta praviła. Asabliva kali trahładzity sčepiacca ŭ specsłužbach. Tut vam i Skrypal, i Litvinienka, i Pryhožyn, i Navalny. Hety apošni, jaki trapiŭ pad «začystku» — byŭ impierac i nienaviśnik biełaruščyny, jaki pieraplunuŭ by Pucina, kali b chto jaho padniaŭ na haru», — adrazu rasstaŭlaje Paźniak kropki nad «i».
Pavodle mierkavańnia vieterana biełaruskaj palityki, realny ŭpłyŭ Navalnaha na rasijskuju palityku «byŭ roŭny nulu», a zabili jaho tolki dziela taho, «kab ź niadkul nie ŭźnikali kucharki».
Dalej pad biaźlitasnuju krytyku patrapiła ŭdava zahinułaha palityka — Julija Navalnaja:
«I tut, jak u Šekśpira, — «jašče cieła nie astyć paśpieła…», jak źjaviłasia madam Navalnaja (treba jaje bačyć), pakul što biez partreta pad pachaj i abjaviła: ka mnie, kto sa mnoj — pradołžim dieło Navalnoho. Ja prodołžu jeho baŕbu… (Jakuju «barbu»)».
Adnosna sprobaŭ Julii Navalnaj praciahvać spravu muža Paźniak nie chavaje ironii:
«Słovam, kali kazać koratka pra raša-vadevil z trupami, to madam ryzykuje. Miesca ŭžo zaniataje. Dy i ŭ Eŭraźviazu biudžet nie humovy. Chacia standarty dazvalajuć i paŭtory, i repliki, i za słovy płacić. Praciahvajcie barbu, spadary impiercy. Niet vajnie! Pucin, vierni muža (možno dieńhami)! Takaja kamiedyja na scenie ŭ impiercaŭ».
Tym nie mienš, situacyja ŭsio ž stvaraje peŭnuju niebiaśpieku, kali «pryhladziecca ŭvažliva, uličyć abstaviny vajny i zaśviedčyć zaniepakojenaść mahčymaj pierśpiektyvaj hetaj asoby ŭ zašoranym libier-śviecie Jeŭropy». Tym bolš što «prysutnaść kantory ŭ hetym prajekcie bačna niaŭzbrojenym vokam. Hetak ža jak i ŭ manierach «madam» piščyć FSB (upłyŭ asiarodździa)».
«Kali heta sapraŭdy prajekt «kucharka-2», i kali jaho prašturchnuć libieralnaj Jeŭropie, to možna budzie pavinšavać usialakich haspod Kasparavych i inšych «charošych ruskich» za miažoj s priobrietienijem. O čiom sožaleli, o čiom miečtali, to i połučili. Mahčyma raskryjecca navat toje — navošta raptam źniščyli ahienta Navalnaha», — robić z usiaho hetaha vysnovu Zianon Paźniak.
Čytajcie taksama:
Bałkuniec i Usaŭ raskazali rasijskamu ŚMI pra absalutny pravał Cichanoŭskaj pa ŭsich frantach
-
Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha
-
Muzykanty vydalajuć svaju muzyku sa Spotify, bo jon spansiruje kampaniju, jakaja vyrablaje tysiačy dronaŭ dla Ukrainy
-
U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary