«Nie raz namiakali «aktyvistcy» spynić biełarusafobiju». Azaronak abrynuŭsia na Mirsalimavu
Prapahandyst Ryhor Azaronak adreahavaŭ na navinu ŭ rasijskim kanale BRIEF, jaki napisaŭ, što «ŭ Biełarusi zatrymanaja viadomaja prarasijskaja aktyvistka Elvira Mirsalimava», jakuju abvinavačvajuć u parušeńni praviadzieńnia masavych mierapryjemstvaŭ. Pa słovach Azaronka, «patryjatyčnyja kanały nie raz namiakali «aktyvistcy» spynić biełarusafobiju», ale jana nie spyniłasia, bo «vykonvała zadaču zachodnich kurataraŭ pa ŭniasieńni razładu ŭ biełaruska-rasijskija adnosiny».
«Nie «prarasijskaja aktyvistka», a pravakatarka i dreń, jakaja svaimi abvinavačvańniami ŭ adras biełaruskaj dziaržavy vykonvała zadaču zachodnich kurataraŭ pa ŭniasieńni razładu ŭ biełaruska-rasijskija adnosiny», — napisaŭ Azaronak.
Jak śćviardžaje prapahandyst, Mirsalimava maje pramuju suviaź z «Suzdalcavym z VŠE, vychavalnikam davoli viadomaha Dźmitryja Bałkunca, jaki ciapier siadzić u Varšavie, siarod samych končanych rusafobaŭ».
A kanał BRIEF, jaki, jak ličyć Azaronak, abaraniaje Mirsalimavu ŭ Maskvie, — «adryžka libieroidnaj pamyjnicy» «Echo Moskvy». «Bolš hidkuju i bolš rusafobskuju kłaaku składana znajści», — vyvodzić suviazi Mirsalimavaj z rasijskimi libierałami Azaronak.
Prapahandyst davodzić, što i ŭ Rasii zmahajucca ź niapravilnymi Z-patryjotami — «piersanažami typu Hirkina, Kaharlickaha i inšych», bo «kraina viadzie bajavyja dziejańni». «My — pryfrantavaja dziaržava, jakaja ŭstupaje ŭ doŭhačasovy elektaralny cykł», — tłumačyć važnaść baraćby Azaronak.
Da kučy jon piša, što «takija voś «prarasijskija» zaŭsiody vielmi dobra znachodziać parazumieńnie z tak zvanymi nacyjanalistami».
«Adny pačynajuć na roŭnym miescy abražać biełaruskuju movu, inšyja pačynajuć u adkaz lamantavać i patrabavać pierakłaści na biełaruskuju ŭsio na śviecie. Na spravie — adna kamanda. Razburalniki dziaržavy», — piša jon.
Azaronak skazaŭ, što Mirsalimavu prasili «spynić biełarusafobiju», ale taja nie zrazumieła:
«Patryjatyčnyja kanały nie raz namiakali «aktyvistcy» spynić biełarusafobiju. U adkaz dupa vyryhvałasia tydniami haŭnastrumieniem».
Pavodle jaho, Z-aktyvistka Mirsalimava — pradukt «miakkaj siły» Zachada. Ale «biełaruskija pravaachoŭniki hetuju hulniu łamali, łamajuć i buduć łamać», a «pravakatary buduć nie vieści kanały, a budavać ich».
«Pa takich «abvinavačańniach» možna pierasadžać usich prykormlenych prapahandystaŭ». Prarasijskaja stalinistka Mirsalimava prakamientavała svaju spravu
U Viciebsku sudziać prarasijskuju stalinistku Mirsalimavu
«Anšłaha na kancercie da Dnia Rasii nie było. Padtrymka Rasii biełarusami nijakaja» — Mirsalimava
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary