«Zjavicca šmat biezhaspadarnaj spadčyny, jakaja adydzie dziaržavie». Prablemy ź nieruchomaściu pa davieranaści mohuć jašče ŭskładnicca
U biełarusaŭ, jakija žyvuć za miažoj, paśla vosieńskaha ŭkazu Łukašenki ŭźnikli prablemy z prodažam nieruchomaści pa davieranaści. Jak stała viadoma «Svabodzie», nieŭzabavie hety praces moža jašče bolš uskładnicca. Ciapier trasuć nataryusaŭ.
Pavodle krynicy «Svabody», ciapier supracoŭniki KDB prajaŭlajuć cikavaść da dziejnaści nataryjalnych kantor, jakija zajmajucca afarmleńniem uhod ź nieruchomaściu.
«Praviarali ŭsich, pravodzili hutarki, jak ciapier afarmlać uhody ź nieruchomaściu. Zajavili, što treba, pierš čym aformić ździełku, pravieryć, ci jość čałaviek u śpisach terarystaŭ ci ekstremistaŭ. Kali tak, to «paviedamić u orhany«. Adnaho nataryusa zatrymali. Nie viedaju, ci jana aformiła ŭhodu «nie tamu, kamu treba», ci znajšli «kampramat» u telefonie», — patłumačyła krynica.
Pavodle surazmoŭcy, ciažkaści z afarmleńniem uźnikajuć nie tolki tamu, što nie pracujuć davieranaści, aformlenyja za miažoj. Jašče adna pryčyna ŭ tym, što mnohija administracyjnyja pracedury pry prodažy nieruchomaści źmianili.
«Nam patłumačyli, što paśla nataryjalnaj ździełki kvateru treba aformić u BTI (raniej — Biuro techničnaj inventaryzacyi, ciapier — Ahienctva dziaržaŭnaj rehistracyi i kadastru. — RS), pryčym pradaŭcu i pakupniku treba zjavicca ŭ BTI asabista. Inakš nieruchomaść nie zarehistruješ», — kaža krynica.
Surazmoŭca prahnazuje, što nieŭzabavie ŭ Biełarusi zjavicca šmat tak zvanaj biezhaspadarnaj spadčyny. To bok nieruchomaści, jakuju nichto nie pryniaŭ u spadčynu paśla śmierci ŭłaśnika.
«I ŭsia hetaja biezhaspadarnaja spadčyna adydzie dziaržavie», — kaža krynica.
Surazmoŭca ličyć, što źmieny viaduć da taho, kab «adciskać kvatery ŭ tych, chto vyjechaŭ za miažu».
Inšaja krynica raskazała pra zatrymańnie nataryusa ŭ adnym z rajcentraŭ (dadzienyja jość u redakcyi. — RS).
«Jana «spaliłasia« na tym, što vypisvała davieranaści ludziam biez asabistaj prysutnaści. Tym, chto byŭ za miažoj. Tamu pačali pravierki ŭsich nataryusaŭ», — zaznačyła krynica.
Uskładnili administracyjnyja pracedury
Jak patłumačyŭ «Svabodzie» jašče adzin surazmoŭca, zaraz pa hienieralnaj davieranaści, aformlenaj u Biełarusi, pakul možna pradać nieruchomaść ci atrymać daviedku na čałavieka, jaki za miažoj.
«Ale jość inšyja składanaści, i jany pakul niepieraadolnyja. Naprykład, ja rabiła dla čałavieka, jaki za miažoj, pa davieranaści daviedku ab niesudzimaści. Na jaje treba było pastavić apastyl. Ale praź źmieny ŭ administracyjnych pracedurach zapłacić za apastyl moža tolki toj čałaviek, jaki mnie davaŭ davieranaść. Voś i ŭsio», — patłumačyła krynica.
Jana dadała, što dla nataryusaŭ niadaŭna pravodzili admysłovuju vučobu, kamu i jak pradavać kvatery ŭ sučasnych umovach.
«Bo, dumaju, ludzi znachodzili niejkija «dzirki», kab usio-taki pradać kvateru ŭ Biełarusi. Ciapier ža skazali stroha — tolki asabistaja prysutnaść, kali nie — vyleciš z pracy, jak minimum», — dadała krynica.
Na jaje dumku, rychtujecca zabarona na prodaž nieruchomaści ŭ Biełarusi biez prysutnaści ŭłaśnika.
Paśla apublikavanaha ŭ vieraśni 2023 hodu ŭkazu źmianilisia praviły atrymańnia i prymianieńnia davieranaściaŭ, pašpartoŭ i daviedak. Raniej hramadzianie Biełarusi, jakija žyvuć za miažoj, mahli aformić u biełaruskim konsulstvie davieranaść na rasparadžeńnie svajoj majomaściu na radzimie. Naprykład, kab pradać u Biełarusi mašynu, kvateru ci inšuju majomaść. Ciapier takoj mahčymaści bolš niama, davieranaść treba rabić asabista ŭ Biełarusi. Apastyl na dakumienty, pavodle novaha ŭkazu, taksama treba rabić u Biełarusi.
Vieranika Capkała — pakupnikam jaje kanfiskavanaj kvatery: «My vierniemsia i zapatrabujem ad vas vypłaty arendy!»
Žančyna ledź nie straciła kvateru, jakuju zdavała pa damovie. Jak tak?
«Usiaho za 20 jeŭra ja dapamahu «zabycca» znojdzienuju infarmacyju». Źjaviłasia machlarskaja schiema ci pravakacyja, mahčymaja tolki ŭ Biełarusi
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary