Jak stała viadoma pravaabaroncam z Mayday.team, 21 lutaha sud Kastryčnickaha rajona Mahilova razhledzieŭ spravu ŭ ramkach «Dekreta №7» «Ab zamiežnaj biazvypłatnaj dapamozie» ŭ dačynieńni da Alesi Siarhiejenki, žonki palitviaźnia Maksima Siarhiejenki.
Pa «Dekrecie №7» u Biełarusi sudziać tych ludziej, suprać jakich praviali masavuju abłavu ŭ kancy studzienia 2024 hoda. Tady supracoŭniki KDB sprabavali vyśvietlić, chto atrymlivaŭ praduktovuju dapamohu z-za miažy ŭ ramkach dziejnaści arhanizacyi INeedHelp, pryznanaj tak zvanym «ekstremisckim farmiravańniem».
Kiejs Alesi Siarhiejenki razhladała sudździa Žanna Puškina, ale vyniki suda pakul nieviadomyja. Sama Alesia Siarhiejenka z kanca studzienia znachodzicca ŭ śledčym izalatary ŭ miežach kryminalnaj spravy (mierkavana, joj staviać u vinu «sadziejničańnie ekstremizmu»).
Miž tym 29 lutaha 2024 hoda na volu pavinien vyjści muž Alesi Siarhiejenki — palitviazień Maksim Siarhiejenka, jaki zakančvaje adbyvać svoj termin u 3 hady pa «spravie lalek». Jaho i inšych abvinavačanych pa spravie pryznali vinavatymi ŭ vyrabie šaści rastavych lalek «z cyničnymi nadpisami i vyjavami» vyšejšych słužbovych asob i publikacyi fota lalek u internecie.
U siamji — dvoje niepaŭnaletnich dziaciej, 3 i 16 hadoŭ.
Ciapier čytajuć
Žoncy brytanskaha dypłamata prysudzili 7 hadoŭ kałonii za palityku1
Kamientary