Niekatoryja krainy ES i NATA razhladajuć mahčymaść nakiravać svaich sałdat va Ukrainu — premjer Słavakii
Premjer-ministr Słavakii Robiert Fica zajaviŭ, što niekatoryja krainy Jeŭrasajuza i NATA razhladajuć mahčymaść nakiravać svaich vajskoŭcaŭ va Ukrainu. Jak adznačyŭ kiraŭnik słavackaha ŭrada, heta vynikaje z materyjałaŭ, jakija dziaržaŭnyja lidary atrymali pierad kanfierencyjaj u Paryžy, pryśviečanaj dapamozie Ukrainie.
Robiert Fica, viadomy svajoj dastatkova pryjaznym u paraŭnańni z bolšaściu jeŭrapiejskich lidaraŭ staŭleńniem da režymaŭ Pucina i Łukašenki, patłumačyŭ, što havorka idzie pra mahčymuju adpraŭku vojskaŭ na padstavie dvuchbakovych pahadnieńniaŭ, jakija krainy-siabroŭki NATA i ES padpišuć z Ukrainaj. Jakija zadačy zamiežnyja vajskoŭcy buduć vykonvać va Ukrainie, jon nie skazaŭ.
«Stratehija Zachadu va Ukrainie pravaliłasia. Ale ja chaču być kanstruktyŭna padrychtavany niahledziačy na toje, što ad tych tem, pra jakija my havaryli, idzie maroz pa skury. Z hetych tezisaŭ vynikaje, što hrupa krain NATA i ES abdumvajuć, što na bazie dvuchbakovych pahadnieńniaŭ adpraviać va Ukrainu svaich vajskoŭcaŭ», — ličyć Fica.
«My nie možam pieraškodzić asobnym krainam Jeŭrasajuza i NATA zaklučać takija pahadnieńni. Adnak heta nie dasiahnie čakanaj mety cisku na rasijskuju administracyju i sastupak. Naadvarot, na naš pohlad, takoje rašeńnie pryviadzie da vielizarnaj eskałacyi napružańnia», — dadaŭ jon.
Pierad pačatkam kanfierencyi ŭ Paryžy kiraŭnik słavackaha ŭrada sklikaŭ pasiadžeńnie nacyjanalnaj Rady biaśpieki, paśla čaho zapeŭniŭ, što Słavakija nie budzie nakiroŭvać vajskoŭcaŭ va Ukrainu. Jon paŭtaryŭ, što, na jaho dumku, vajna va Ukrainie nie maje vajennaha rašeńnia. Słavacki premjer, adnak, zajaviŭ, što jahony ŭrad zachavaje hramadzianskuju i humanitarnuju dapamohu Kijevu.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj48
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary