Minekanomiki prapanavała biznes-sajuzam acanić niekalki madelaŭ pramysłovaj ipateki, jakaja budzie ŭkaraniacca ŭ našaj krainie z udziełam Banka raźvićcia. Siońnia, 27 lutaha, — apošni dzień, kali biznes moža pradstavić svaje prapanovy pa madelach pramysłovaj ipateki, piša Office Life.
U pryvatnaści, da realizacyi ŭ Biełarusi prapanavany try madeli pramysłovaj ipateki:
- 1) pramysłovaja ipateka sa stvareńniem dziaržaŭnaha apieratara,
- 2) biudžetnaje kredytavańnie,
- 3) tranśfiertnaje kredytavańnie.
Pieršaja madel, jakaja praduhledžvaje stvareńnie dziaržkampanii — apieratara i ŭłaśnika inviestycyjnych abjektaŭ, zapatrabuje ŭdziełu i Dziaržkammajomaści ŭ prajekcie. Dziaržkampanija budzie razhladać zvaroty pradpryjemstvaŭ-zakazčykaŭ na realizacyju inviestprajektaŭ z abaviazkovym udziełam va ŭstanoŭlenym pamiery ad sumy inviestycyjnych vydatkaŭ. Pry hetym budzie nieabchodna ŭzhadnieńnie inviestprajekta ŭ Saviecie pa stratehičnych prajektach pry Łukašenku. Tolki paśla hetaj pracedury dziaržaŭny apieratar budzie atrymlivać resursy na realizacyju inviestprajektaŭ. Ich jon budzie pradastaŭlać pradpryjemstvam pa damovie kamisii dla apłaty abstalavańnia.
U liku vidavočnych minusaŭ hetaj madeli — adsutnaść nieabchodnych kampietencyj u dziaržapieratara pa samastojnym vybary jak hienpadradčyka, tak i pastaŭščyka abstalavańnia, ličyć Minekanomiki.
Zatoje ŭ liku pieravah takoj madeli — niaznačnaja suma abaviazkovaha ŭłasnaha ŭdziełu pradpryjemstva-zakazčyka.
Madel biudžetnaha kredytavańnia zapatrabuje stvareńnia Dziaržaŭnaha fondu. Pry hetym ad pradpryjemstvaŭ-zakazčykaŭ budzie patrabavacca ŭłasny značny ŭdzieł u prajekcie. Niedachop madeli, jaki bačyć Minekanomiki, — adsutnaść mahčymaści zvarotu spahnańnia jak na abjekt inviestycyj, tak i na inšuju majomaść pradpryjemstva-zakazčyka z boku dziaržfondu ŭ vypadku nierealizacyi zajaŭlenaha inviestprajekta.
Madel tranśfiertnaha kredytavańnia zapatrabuje davać pradpryjemstvam harantyi ŭrada. Pry hetym budzie abaviazkovym zaklučeńnie kredytnaha dahavora na ahulnych umovach z abaviazkovym udziełam ułasnymi srodkami ŭ pamiery 40% ad sumy inviestycyjnych vydatkaŭ pad harantyju ŭrada. Ź biudžetu budzie pahašacca tolki suma asnoŭnaha doŭhu.
Siarod plusaŭ prajekta — mahčymaść paetapnaj amartyzacyi biudžetnych srodkaŭ u praciahłym pieryjadzie. Niedachop madeli bačycca ŭ adsutnaści ŭ dziaržavy mahčymaści zvarotu spahnańnia jak na abjekt inviestycyj, tak i inšuju majomaść zakazčyka prajekta ŭ vypadku jaho nierealizacyi.
Pieršy vopyt zapusku pramysłovaj ipateki atrymany ŭ Rasii z kanca 2022 hoda. Z dapamohaj ipatečnaj prahramy pradpryjemstvy i pradprymalniki, jakija pracujuć u pramysłovaści, mohuć atrymać ilhoty na kuplu nieruchomaści.
Kamientary