Udzielniki zjezdu deputataŭ u Prydniastroŭi, jaki prachodzić siońnia, pryniali rezalucyi sa zvarotam da Dziarždumy i Savietu fiederacyi. Jany prosiać Rasiju ab dapamozie z-za ekanamičnaj błakady z boku Małdovy.
U rezalucyi prydniastroŭskija delehaty prosiać rasijskija ŭłady ŭličyć fakt «pastajannaha pražyvańnia na terytoryi Prydniastroŭskaj Małdaŭskaj Respubliki bolš za 220 tys. hramadzian Rasii i ŭnikalnaha stanoŭčaha vopytu rasijskaj miratvorčaści na Dniastry, a taksama statusu haranta i pasiarednika ŭ pierahavornym pracesie».
Akramia taho, u rezalucyi zjezdu jość zvaroty ŭ adras hienieralnaha sakratara AAN, SND, Jeŭraparłamienta, Arhanizacyi pa biaśpiecy i supracoŭnictvie ŭ Jeŭropie i inšych arhanizacyj z prośbaj nie dapuścić dalejšuju eskałacyju kanfliktu ŭ adnosinach pamiž Kišyniovam i Ciraspalem.
Napiaredadni zjezdu zjaviłasia infarmacyja, što pavodle jaho vynikaŭ budzie nakiravany zvarot, z prośbaj pryniać niepryznanuju respubliku ŭ skład Rasii.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary