Śviet

Vice-premjer Małdovy pra zvarot Pucina: Ryzyki, što jon abvieścić pra anieksiju Prydniastroŭja abo pryznaje niezaležnaść, niama

28 lutaha ŭ Ciraspali prajšoŭ «Źjezd deputataŭ usich uzroŭniaŭ», jaki źviarnuŭsia pa dapamohu da Rasii.

Hierb niepryznanaj «Prydniastroŭskaj małdaŭskaj respubliki (PMR)» i rasijska-prydniastroŭski vajskovy parad. Foty: Wikimedia Commons. Kałaž: «Naša Niva»

Vice-premjer Małdovy Aleh Sierabran dapuskaje, što 29 lutaha ŭ štohadovym zvarocie da Fiederalnaha schodu prezident Rasii Uładzimir Pucin zhadaje Prydniastroŭski rehijon. Pry hetym, na dumku Sierabrana, ryzyki, što Pucin abvieścić ab anieksii Prydniastroŭja abo pryznaje jaho niezaležnaść, niama, piša newsmaker.md.

«Nie dumaju, što jon skaža pra heta. U lubym vypadku, całkam vierahodna, što Uładzimir Pucin zhadaje siarod inšaha i Prydniastroŭski rehijon. Całkam vierahodna, što jon zhadaje 200 tysiač rasijskich hramadzian u prydniastroŭskim rehijonie. Adznaču, što 90% žycharoŭ prydniastroŭskaha rehijonu — hramadzianie Małdovy. Heta vielmi važna. U prydniastroŭskim rehijonie, jak i na ŭsioj terytoryi Małdovy, dazvolena mieć niekalki hramadzianstvaŭ. Šmat u kaho jość ukrainskaje hramadzianstva, u tym liku ŭ spadara Ihnaćjeva — ministra zamiežnych spraŭ Prydniastroŭja. Jość vielmi šmat hramadzian Rasii, Polščy, Bałharyi, Rumynii. 

Viartajučysia da zvarotu Pucina, ja nie vyklučaju, što jon zhadaje, u pryvatnaści, Prydniastroŭski rehijon, puścić ślazu z-za pakut, jakija nibyta adčuvajuć žychary hetaha rehijonu. Ale ŭ lubym vypadku ja nie dumaju, što jość šaniec, što jon skaža, što Rasijskaja Fiederacyja prymaje Prydniastroŭski rehijon abo pryznaje jaho niezaležnaść», — adkazaŭ vice-premjer.

28 lutaha ŭ Ciraspali prajšoŭ «Źjezd deputataŭ usich uzroŭniaŭ». Pa vynikach źjezda deputaty pryniali rezalucyju. U joj havorycca, što Małdova raźviazała suprać Prydniastroŭja «ekanamičnuju vajnu». Havorka idzie ab pryniatych papraŭkach u Mytny kodeks Małdovy, jakija ŭstupili ŭ siłu 1 studzienia 2024 hoda. Zhodna ź imi, Kišynioŭ skasavaŭ mytnyja lhoty dla prydniastroŭskich pradpryjemstvaŭ. U rezalucyi zhadany i zakon «Ab sieparatyźmie», pryniaty parłamientam Małdovy ŭ studzieni 2023 hoda. Jak zajavili delehaty źjezda, zhodna z hetym zakonam, pakarać mohuć luboha žychara Prydniastroŭja (kamu nasamreč pahražajuć novyja artykuły KK Małdovy ab sieparatyźmie).

U Biuro reintehracyi Małdovy zajavili, što adkidajuć prapahandysckija zajavy Ciraspala i padkreślili, što prydniastroŭskamu rehijonu vyhadnaja palityka miru, biaśpieki i ekanamičnaj intehracyi ź ES.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kiraŭnik «Jeŭraopta» vyjšaŭ na svabodu2

Kiraŭnik «Jeŭraopta» vyjšaŭ na svabodu

Usie naviny →
Usie naviny

Biełarus znajšoŭ na nabytym učastku dziŭnyja rečy na vypadak apakalipsisu

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

U Minsku piaty hod žyvie finski biznesoviec sa śpisu samych šukanych Eŭrapołam złačyncaŭ2

Brytanija, Francyja i Kanada pryhrazili Izrailu «kankretnymi dziejańniami»7

Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu12

U MARH pryznalisia, što prablemy z cybulaj dla ich nie niečakanyja4

Zialenski paśla razmovy z Trampam: Vyvodzić našy vojski z našych terytoryj nichto nie budzie4

Kamu Łukašenka apošnim časam daviaraje svaju achovu?7

Vy — pracaholik i časta pierapracoŭvajecie? Navukoŭcy vyśvietlili, jak heta źmianiaje mozh6

bolš čytanych navin
bolš łajkanych navin

Kiraŭnik «Jeŭraopta» vyjšaŭ na svabodu2

Kiraŭnik «Jeŭraopta» vyjšaŭ na svabodu

Hałoŭnaje
Usie naviny →

Zaŭvaha:

 

 

 

 

Zakryć Paviedamić