Los hrošaj, sabranych na lačeńnie pamierłaj u Varšavie biełaruski, biare pad kantrol polskaja dziaržava
Zranku 1 sakavika ŭ Varšavie pamierła 25-hadovaja biełaruska Lizavieta, zhvałtavanaja i pakalečanaja ŭ noč z suboty na niadzielu, 25 lutaha, u centry polskaj stalicy. Vydańnie «Lusterka» ad krynicy, blizkaj da siamji biełaruski, daviedałasia, što budzie z hrašyma, sabranymi dla lačeńnia i reabilitacyi Lizaviety.
Jak viadoma «Lusterku», ciapier blizkija dziaŭčyny vyrašajuć jurydyčnyja farmalnaści, źviazanyja z pachavańniem.
«Adziny zakonny pradstaŭnik Lizaviety — jaje rodny brat, ale ŭ jaho niama vizy dla taho, kab pryjechać u Polšču, — paviedamiła krynica, blizkaja da siamji biełaruski. — My ciapier sprabujem razabracca, što nam z hetym rabić, chto ŭpaŭnavažany jaje pachavać».
Surazmoŭca taksama raskazaŭ, što ciapier blizkija čakajuć atrymańnia rachunku sa špitala, dzie znachodziłasia Lizavieta. Dakładnuju sumu, jakuju nieabchodna zapłacić za pasłuhi kliniki, jon nie viedaje. Miedyki paviedamili jamu, što mohuć nazvać sumu tolki zakonnamu pradstaŭniku.
Miž tym na lačeńnie i reabilitacyju Lizaviety sabrali bolš za 540 tysiač złotych (heta 436 tysiač rubloŭ). Sa słoŭ krynicy, kantrol nad vydatkoŭvańniem hetych hrošaj voźmie na siabie polski bok:
«Palaki ŭžo adnaznačna skazali, što hety finansavy zbor budzie kantralavać dziaržava. Umoŭna kažučy, kali chtości vydatkuje hetyja hrošy na inšyja mety, to taki ŭčynak budzie rascenieny jak machlarstva. Dostup da rachunku sa srodkami pakul abmiežavany. Usie vypłaty buduć prychodzić paśla adpaviednaj vieryfikacyi.
Mahčyma, niekatoraja suma budzie vydatkavanaja na advakataŭ, jakija abaraniajuć intaresy Lizaviety ŭ kryminalnym pracesie, a taksama na pasłuhi pa lehalizacyi nieabchodnych dakumientaŭ i spadarožnyja pachavańniu».
Dla padtrymki zhvałtavanaj i pakalečanaj u Varšavie biełaruski adkryli dabračynny zbor
MZS nakiravała ŭ Varšavu zapyt nakont zhvałtavanaj u Polščy biełaruski
U kvatery padazravanaha ŭ zhvałtavańni biełaruski ŭ Varšavie znajšli knihu pra seksualnyja złačynstvy
Polskaja palicyja raskazała, jak zatrymała čałavieka, što padazrajecca ŭ zhvałtavańni biełaruski ŭ Varšavie
«Niejki čas jaje serca nie pracavała». Chłopiec biełaruski, jakuju zhvałtavali ŭ centry Varšavy, raskazaŭ pra jaje ciapierašni stan
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary