«U darknecie byŭ abjaŭleny košt za majo žyćcio i była akreślenaja suma, kolki kaštuje majo žyćcio. Zrazumieła, što paćvierdzić ci abvierhnuć hetuju infarmacyju ja nie mahu, ale krynica mnie paviedamiła. Taksama byli piermanientnyja pahrozy z patencyjnym vyvazam mianie na terytoryjaju Biełarusi»,
— skazaŭ Łatuška sa spasyłkaj na svaju krynicu.
Sumu jon nie staŭ publičyć, ale jana nieparaŭnalna bolšaja, čym prapanoŭvaŭ za viartańnie kiraŭnika NAU deputat Aleh Hajdukievič:
«Voś Łatuška ŭ bahažniku vyjechaŭ. 100 dalaraŭ daju, kab jaho ŭ bahažniku pryvieźli siudy ŭ Minsk. Daju 100 dalaraŭ. Partyja mnie nie dazvoliła davać bolš hrošaj. I za Cichanoŭskuju voś lažać».
U studzieni 2021-ha Hienprakuratura abvieściła Paŭła Łatušku ŭ mižnarodny vyšuk.
U archivie Kibierpartyzanaŭ «Biełsat» znajšoŭ telefonnuju razmovu za luty 2021 hoda — Ministerstva zamiežnych spraŭ zvaniła pałkoŭniku Maksimu Śvirydu (tamu, što zavodziŭ kryminalnuju spravu suprać błohiera Niechta).
Nižej taja razmova Maksima Śviryda z Hałoŭnaha ŭpraŭleńnia kryminalnaha vyšuku MUS z Hałoŭnym konsulskim upraŭleńniem Ministerstva zamiežnych spravaŭ Biełarusi:
Dypłamat (D). — Maksim Alaksandravič?
Śviryd (S). — Tak.
D. — Dobry dzień! Heta vas turbuje Ministerstva zamiežnych spraŭ, hałoŭnaje konsulskaje ŭpraŭleńnie, pieršy sakratar.
S. — Słuchaju vas.
D. — Z nahody vašaha zapytu. Nu, vy zrazumieli, tak, jakoha?
S. — O, u nas šmat zapytaŭ, u nas šmat asob u vyšuku, jakija znachodziacca…
D. — Pa Polščy. Nu, znakamityja.
S. — Pieršuju litaru proźvišča nazavicie.
D. — «Ł».
S. — Nu tak, usio, zrazumieŭ, zrazumieŭ…
D. — Hladzicie. U nas jość dva varyjanty. Pieršy varyjant — my možam pa našych bazach… U nas jość baza, u jakoj bačnyja ŭsie dziejańni, jakija adbylisia ŭ zahranpukntach. My možam z našaj bazy, kab nie rassyłać zapyty i nie było tam…
S. — Ja zrazumieŭ… «imidžavych vydatkaŭ».
D. — Tak.
S. — Davajcie. Davajcie tak i pastupim, tamu što ŭsio roŭna nichto tam pakul nie maje namieru nam ich vydavać. Davajcie nie budziem abvastrać abstanoŭku, a vy ź viedamasnych…
Pavieł Łatuška kamietuje:
«Razmova išła pra toje, kab pravieryć najaŭnaść infarmacyi ab tym, što ja sapraŭdy znachodžusia ŭ Polščy, dzia ja pražyvaju i jaki moj status. Baza «Konsuł» (jakuju majuć konsulskija słužby Biełarusi ŭ pasolstvach Biełarusi za miažoju) nie mahła mieć infarmacyi pra mianie. Bo ja nie stanaviŭsia na konsulski ŭlik.
Tamu jany mahli, tearetyčna, nakiravać zapyt uładam Polščy z prośbaju pradstavić infarmacyju, ci sapraŭdy ja znachodžusia tut».
Ciapier čytajuć
«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ9
Kamientary