Padčas pracoŭnaha vizitu ŭ Safiju biełaruskaja demakratyčnaja lidarka sustrełasia z premjer-ministram Bałharyi Nikałajem Denkavym, jaki vykazaŭ spadziavańnie na ščylnaje supracoŭnictva pamiž krainaj i demakratyčnymi siłami Biełarusi.
Adna z klučavych metaŭ vizitu — adnavić adnosiny, jakija zrujnavaŭ režym Łukašenki. Śviatłana Cichanoŭskaja zaprasiła Bałharyju dałučycca da hrupy siabroŭ Biełarusi ŭ ABSIE, a taksama padtrymać pracu Kantaktnaj hrupy ŭ Radzie Jeŭropy, paviedamlaje jaje pres-słužba.
Apornaj temaj dyjałohu stała pahroza niezaležnaści Biełarusi z boku Rasii i saŭdzieł režymu ŭ vajnie. Baki abmierkavali šlachi pryciahnieńnia režymu da adkaznaści: lidarka raspaviała, što kamanda NAU sabrała dokazy, nieabchodnyja dla pačatku rasśledavańnia. Jany byli pieradadzienyja ŭ AAN na minułym tydni.
Asablivuju ŭvahu Śviatłana Cichanoŭskaja nadała palitviaźniam — i padkreśliła: nieabchodnyja terminovyja kroki pa ich vyzvaleńni, asabliva tych, chto znachodzicca ŭ humanitarnym śpisie i ŭ režymie inkamunikada (infarmacyjnaja izalacyja).
Tak supała, što ŭčora Mikałaj Denkaŭ padaŭ zajavu ab adstaŭcy ŭrada ŭ adpaviednaści z damoŭlenaściu dvuch najbujniejšych parłamienckich błokaŭ, pamiž jakimi ŭ apošnija tydni źjavilisia ŭsio bolš prykmietnyja roznahałośsi.
Ratacyja ŭrada Denkava — častka damoŭlenaści pamiž błokami HIERB (Hramadzianie za jeŭrapiejskaje raźvićcio Bałharyi) i «Praciahvajem źmieny — Demakratyčnaja Bałharyja» («PI-DB»), dasiahnutych u červieni 2023 hoda paśla piatych za niekalki hadoŭ daterminovych vybaraŭ, jakija pahłyblali palityčny kryzis u krainie.
Urad pradstaŭnika «PI-DB» Denkava, pavodle damoŭlenaści, pavinien byŭ prapracavać dzieviać miesiacaŭ, paśla čaho jon pavinien byŭ pieradać svaju pasadu vice-premjeru i ministru zamiežnych spraŭ Maryi Habryel, jakuju naminavaŭ HIERB, a sam — uznačalić Ministerstva adukacyi.
Ale ŭ apošnija miesiacy ŭ bałharskich ŚMI pastajanna pačali źjaŭlacca śpiekulacyi na temu ratacyi ŭradaŭ, a supiarečnaści pamiž abiedźviuma palityčnymi siłami narastali.
Tym nie mienš hałasavańnie za adstaŭku ciapierašniaha ŭrada i pryznačeńnie novaha ŭ parłamiencie Bałharyi pavinna adbycca da kanca hetaha tydnia.
-
Stała viadoma, kudy ŭładkavaŭsia kiraŭnik Kalinkavič, jaki ŭ 2022 hodzie sustrakaŭ rasijskich vajskoŭcaŭ z chlebam-sollu
-
Byłaja biełaruskaja žurnalistka Sudlankova, jakuju ŭ Čechii abvinavacili ŭ pracy na rasijskuju raźviedku, źjechała ŭ Maskvu
-
Šmatdzietnaja siamja raspaviała, što tracić na ježu 700-800 rubloŭ štomiesiac. Ludzi ŭ šoku, što im chapaje
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija21
Kamientary