«Ad Maskvy da Piciera praz Sajuznuju dziaržavu». Biełaruś uklučać u rasijski turystyčny maršrut
Rasija i Biełaruś raspracoŭvajuć sumiesny turystyčny maršrut, paviedamili ŭ Minsku na pres-kanfierencyi pa tendencyjach raźvićcia turyzmu z rehijonami Rasijskaj Fiederacyi.
Siamidzionny tur budzie nasić adukacyjny i paznavalny charaktar. U maršrut pavinny ŭvajści Maskva, Smalensk, Mahiloŭ, Minsk, Połack, Viciebsk, Pskoŭ, Vialiki Noŭharad, Sankt-Pieciarburh.
«Płanujecca zapuścić paŭnavartasny maršrut, jaki pačynaŭsia b u Maskvie i zaviaršaŭsia ŭ Pieciarburhu. A ŭ ramkach hetaha maršrutu — ad Maskvy da Pieciarburha — naviedvańnie i načleh u Smalensku, Mahilovie, Minsku, Połacku, Viciebsku, Pskovie, Vialikim Noŭharadzie. Heta paŭnavartasny, dobry tydniovy tur ad Maskvy da Piciera praz Sajuznuju dziaržavu ź implemientacyjaj abłasnych centraŭ, i rasijskich, i biełaruskich», — raskazaŭ staršynia praŭleńnia Respublikanskaha sajuza turystyčnaj industryi Filip Huły.
Jon rastłumačyŭ, što adzin kvitok budzie praduhledžvać padarožža ŭ adzin bok, a ŭ advarotny — pasažyr mianiajecca. Padobny cykł pieramiaščeńnia moh by być pastajannym, pracavać 365 dzion u hodzie.
Ale ŭ toje, što taki maršrut budzie akupacca, jość sumnievy. Filip Huły ličyć, što na čas zapusku prahrama budzie mieć patrebu ŭ peŭnaj subsidyi, bo na kamiercyjnyja rejki adrazu taki maršrut pastavić ciažka.
«Hałoŭnaje, čaho nam nie chapaje — jeŭrapiejskich haradoŭ». Rasijskija turapieratary raskazali, čamu rasijan vabić zachodniaja Biełaruś
Nazad da kinazałaŭ i šachmataŭ? Karektavańnie rejestra arhanizataraŭ kulturnych prahram udaryła pa sanatoryjach
Biełaruskija turysty vybirajuć Rasiju? Jak źmianiłasia hieahrafija pajezdak biełarusaŭ za miažu ŭ 2022 hodzie
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary