Hruzavikoŭ šmat, lehkavych mała. Što adbyvajecca na miežach Biełarusi praz tydzień paśla zakryćcia dvuch punktaŭ propusku
Z 1 sakavika Litva zakryła dva punkty propusku na miažy ź Biełaruśsiu — «Rajharad» («Pryvałka») i «Łavaryški» («Katłoŭka»). Z tych časoŭ čerhi dla hruzavikoŭ stali raści. Office Life pahladzieŭ, ci źmianiłasia situacyja za tydzień.
Na biełaruska-litoŭskaj miažy ciapier pracujuć usiaho dva punkty propusku. U punkcie propusku «Miedniki» / «Kamienny Łoh» na 16:00 9 sakavika ŭ čarzie stajali 960 hruzavikoŭ. Tydzień tamu ŭ hety ž samy čas čarha była z 700 fur.
Takaja samaja situacyja i ŭ punkcie propusku «Salečniki» / «Bieniakoni» — 965 fur. Tydzień tamu tut było 670 hruzavych aŭtamabilaŭ.
Što tyčycca lehkavych aŭtamabilaŭ, to čarha pa stanie na 16:00 była tolki ŭ «Bieniakoniach» — 10 mašyn. Tydzień tamu čarhu z 30 lehkavych aŭto fiksavali na ŭjezd u «Kamiennym Łohu».
Miaža z Łatvijaj
Pamiž Biełaruśsiu i Łatvijaj na hety momant pracuje ŭsiaho adzin punkt propusku — «Hryharoŭščyna» («Paternijeki»). Tam na 16:00 9 sakavika ŭjezdu ŭ JEZ čakali 565 hruzavikoŭ. Tydzień tamu ŭ hety ž čas u čarzie stajali ŭsiaho 380 fur.
Dla lehkavikoŭ čerhaŭ na 16:00 9 sakavika, jak i tydzień tamu, niama.
Miaža z Polščaj
Samyja ścipłyja čerhi z hruzavikoŭ fiksujuć u punkcie propusku «Kazłovičy» («Kukuryki») na miažy z Polščaj. Tam ujezdu ŭ ES čakajuć usiaho 50 fur. Adnak tydzień tamu ŭ hety čas tut i zusim nie było čerhaŭ.
Na 16:00 9 sakavika ŭjezdu ŭ ES u «Breście» («Terespali») čakali try aŭtobusy. U minułuju subotu ŭ hety ž čas było 30 lehkavych mašyn i 10 aŭtobusaŭ.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary