Papa zhadaŭ pra «bieły ściah» dla Ukrainy i hatovy być pasiarednikam
Papa Francišak u zapisanym u lutym intervju zajaviŭ, što Ukraina pavinna mieć advahu padniać bieły ściah i pačać pieramovy z Rasijaj, paviedamlaje Reuters.
Adznačajecca, što svaje kamientary Francišak zrabiŭ u intervju, zapisanym u minułym miesiacy dla šviejcarskaj teleradyjokampanii RSI, tekstavaja viersija jakoha ŭžo apublikavanaja. Samo intervju vyjdzie ŭ efir 20 sakavika.
Franciška spytali pra jahonuju pazicyju ŭ sprečkach pamiž tymi, chto miarkuje, što Ukraina pavinna zdacca, bo nie zmahła dać adpor rasiejskim vojskam, i tymi, chto śćviardžaje, što heta lehitymizuje dziejańni ahresara. Intervjujer vykarystaŭ pry adkazie na pytańnie termin «bieły ściah».
«Ja dumaju, što samy mocny toj, chto hladzić na situacyju, dumaje pra ludziej i maje advahu biełaha ściaha, viadzie pieramovy», — adznačyŭ pantyfik.
«Słova «pieramovy» — heta mužnaje słova. Kali vy bačycie, što vy apantanyja pieramohaj, što spravy iduć drenna, u vas pavinna być śmiełaść vieści pieramovy», — dadaŭ Francišak, adznačyŭšy, što pieramovy pavinny prachodzić pry dapamozie mižnarodnych sił.
Reuters adznačaje, što Francišak upieršyniu vykarystaŭ takija terminy, jak «bieły ściah» abo «pieramožany», havoračy pra vajnu va Ukrainie, choć pra nieabchodnaść pieramovaŭ kazaŭ i raniej.
«Možna adčuvać soram, ale kolki zahinułych jana (vajna) pryniasie ŭ kančatkovym vyniku? (Treba) vieści pieramovy svoječasova, znajści krainu, jakaja moža być pasiarednikam», — skazaŭ Francišak, zhadaŭšy siarod krain, jakija prapanavali svaju kandydaturu, Turcyju.
«Nie saromiejciesia vieści pieramovy, pakul usio nie stała jašče horš», — dadaŭ Papa. U inšaj častcy intervju, kažučy pra vajnu pamiž Izrailem i CHAMASam, Francišak skazaŭ, što «pieramovy nikoli nie źjaŭlajucca kapitulacyjaj». A na pytańnie, ci hatovy jon sam być pasiarednikam, adkazaŭ: «Ja tut».
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju6
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary