Łukašenka — kiraŭnictvu BPC: My pamiatajem, jak u 2020 hodzie niekatoryja śviatary zanialisia, miakka kažučy, palitykaj
U dziaržavy i pravasłaŭnaj carkvy šmat ahulnych pohladaŭ, zajaviŭ Alaksandr Łukašenka na sustrečy ź Sinodam Biełaruskaj Pravasłaŭnaj Carkvy.
«U našaj krainie zakładzieny tryvałyja asnovy ŭzajemadziejańnia Biełaruskaj Pravasłaŭnaj Carkvy i našych uładaŭ, dziaržavy ŭ cełym. Inakš i być nie mahło. Historyja pravasłaŭja na biełaruskich ziemlach nieparyŭna źviazana z historyjaj stanaŭleńnia našaj dziaržaŭnaści», — skazaŭ Łukašenka (cytata pavodle BiełTA).
Jon skazaŭ, što ŭ minułym było vielmi składana sfarmavacca i zajavić pra siabie asobnamu narodu, nie kažučy ab stvareńni dziaržavy: «U biełarusaŭ heta atrymałasia. Šmat u čym dziakujučy duchoŭnamu stryžniu našych prodkaŭ. Tamu ŭ dziaržavy i pravasłaŭnaj carkvy šmat punktaŭ sudakranańnia».
Jon čarhovy raz zhadaŭ pra śviataroŭ, jakija ŭ 2020 hodzie stali na bok naroda.
«My pamiatajem, jak u 2020 hodzie niekatoryja śviatary (na žal, i niekatoryja pravasłaŭnyja) zanialisia, miakka kažučy, palitykaj. Skažu, što dla hetaha ŭ dziaržavie jość śpiecyjalnyja instytuty i padrychtavanyja ludzi. Sprava Carkvy — zadavać maralnyja chryścijanskija aryjenciry», — skazaŭ Łukašenka i zadaŭsia pytańniem, ci ŭsio robicca dla taho, kab čužyja ludzi ź niadobrymi dumkami nie stupili ŭ biełaruskija chramy, nie stali mianiać asnovy, dyktavać, jak žyć.
Taksama jon paŭtaryŭ čarhovuju mantru pra mižkanfiesijny mir u Biełarusi, jak byccam u Jeŭropie dzieści niama hetaha mižkanfiesijnaha miru.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj31
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary