Kampanija Iłana Maska znoŭ straciła kaśmičny karabiel Starship u vyprabavalnym palocie. Heta ŭžo treci raz
Amierykanskaja kampanija SpaceX, jakaja naležyć Iłanu Masku, straciła suviaź z kaśmičnym karablom Starship padčas treciaha vyprabavalnaha palotu. Heta vynikaje z tranślacyi SpaceX u sacsietcy X.
Start prajšoŭ paśpiachova, karabiel vyvieła na arbitu samaja ciažkaja rakieta-nośbit u śviecie Super Heavy z kasmadroma ŭ Techasie. Starship dasiahnuŭ vyšyni 230 km, pravieryŭ abstalavańnie, a paśla pačaŭ źnižeńnie.
Padčas uvachodžańnia ŭ atmaśfieru Ziamli, prykładna praz 49 chvilin paśla startu, abšyŭka karabla pačała nahravacca i zaharełasia. Paśla hetaha suviaź z karablom — jak praz ułasnyja spadarožniki SpaceX Starlink, tak i praz spadarožniki TDRSS Nasa — źnikła. Pa płanie Starship pavinien byŭ pryvadnicca ŭ Indyjskim akijanie.
Jak piša New Scientist, karabiel, vierahodna, zhareŭ u atmaśfiery.
U SpaceX zajavili, što padčas vyprabavalnaha palotu ŭdałosia dasiahnuć niekalkich klučavych metaŭ. U pryvatnaści, karabiel upieršyniu ŭdałosia vyvieści na arbitu Ziamli. «My prasunulisia dalej, čym kali-niebudź raniej», — skazaŭ pres-sakratar SpaceX Den Chjut.
Pieršyja dva vyprabavalnyja paloty Starship skončylisia da vychadu karabla na arbitu. U krasaviku 2023 hoda praź niekalki chvilin paśla startu adbyŭsia vybuch. U listapadzie taho ž hoda nieŭzabavie paśla adździaleńnia stupieni masiŭny zvyšciažki paskaralnik rakiety vybuchnuŭ, a razhonny błok karabla razburyŭsia da dasiahnieńnia zadadzienaj vyšyni.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary