Urad Estonii nie padtrymaŭ zakonaprajekt ab pazbaŭleńni hramadzian RF i Biełarusi prava hołasu
Ministerstva justycyi i Ministerstva ŭnutranych spraŭ prapanavali ŭradu nie padtrymlivać zakonaprajekt.
Urad u čaćvier nie padtrymaŭ inicyjavany parłamienckaj frakcyjaj «Ajčyna» zakonaprajekt, jaki pazbaŭlaje hramadzian Rasii i Biełarusi prava hołasu na miascovych vybarach, piša Postimees.ee.
Zhodna z zakonaprajektam, hałasavać mahli b tolki hramadzianie trecich krain, ź jakimi ŭ Estonii zaklučany dvuchbakovyja damovy, i jakija žyvuć u Estonii na padstavie doŭhaterminovaha abo pastajannaha dazvołu na žycharstva. Metaj źmieny było pryznać niesapraŭdnym prava hołasu ŭsich hramadzian trecich krain, jakija žyvuć u Estonii, i asob biez hramadzianstva na vybarach schodaŭ miascovych samakiravańniaŭ, kab vyklučyć prava hołasu dla hramadzian jakija ŭdzielničajuć u vajennaj ahresii Rasii i Biełarusi.
Zhodna z zakonam, pravam hołasu vałodajuć hramadzianie Estonii i ES, a taksama zamiežniki, jakija žyvuć u Estonii na padstavie doŭhaterminovaha abo pastajannaha dazvołu na žycharstva.
Ministerstva justycyi i Ministerstva ŭnutranych spraŭ prapanavali ŭradu nie padtrymlivać zakonaprajekt. Pavodle acenki Ministerstva justycyi, zakonaprajekt niepraparcyjny ŭ dačynieńni da zajaŭlenaj mety.
Kamientary