Miełoni vystaviła na aŭkcyjon kurjoznyja dziaržaŭnyja padarunki. Siarod łotaŭ — čaraviki sa skury pitona, iPad ad Zialenskaha i miech rysu
Premjer-ministarka Italii Džordža Miełoni atrymała ad lidaraŭ inšych dziaržaŭ niamała padarunkaŭ, jakija ciapier jana vystaviła na prodaž.
Naprykład, prezident Arhienciny Chaŭjer Milej padaryŭ joj statuetku z vyjavaj samoha siabie ź bienzapiłoj, a premjer-ministr Vienhryi Viktar Orban — farforavy kavavy sierviz lehiendarnaj vienhierskaj marki Herend. Razam ź im Orban čamuści padaravaŭ Miełoni nie kavu, a šeść butelek biełaha vina. Jany taksama vystaŭlenyja na aŭkcyjonie ŭ Rymie, piša Bild.
Siarod inšych łotaŭ — sinija čaraviki sa skury pitona z załatym abcasam ad saudaŭskaha dyzajniera, šeraja šaŭkovaja chustka z fotazdymkami niejkich ałbancaŭ XX stahodździa ad premjer-ministra Ałbanii Edzi Ramy, dyjamientavyja karali ad prezidenta Uźbiekistana Šaŭkata Mirzijojeva… Jość navat miech rysu ad premjer-ministra Pakistana. Usiaho — bolš za 270 roznych padarunkaŭ z usiaho śvietu.
Siarod inšych žartaŭlivych padarunkaŭ — iPad ad prezidenta Ukrainy Uładzimira Zialenskaha (jak simvał nieparyŭnaj suviazi), skiejtbord ad horada Mantesilvana, alpijskija i biersaljerskija kapielušy, a taksama kavałak vysokavoltnaha kabielu ad CIERN.
Acenačny košt usich hetych daroŭ składaje kala 800 000 jeŭra. Miełoni pradaje ich zusim nie tamu, što jany joj nie spadabalisia: pavodle zakonu jana nie maje prava pakidać sabie padarunki koštam bolš za 300 jeŭra.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary