«Džychadysty asablivaj roźnicy pamiž Biełaruśsiu i Rasijaj nie robiać». Ci pahražajuć terakty IDIŁ Biełarusi?

— Treba parazvažać pra łohiku isłamistaŭ z «ID-Charasan». Im važna było prademanstravać, što jany ŭpłyvovyja džychadysty, što jany ŭ stanie ładzić «surjoznyja» terakty. Bo ŭ ich było šmat sprobaŭ, i ničoha z hetaha nie atrymlivałasia.

A tut u ich atrymaŭsia bujny terakt u faktyčna jeŭrapiejskaj krainie i, akramia taho, u jadziernaj dziaržavie. Heta padvysiła ich rejtynh siarod inšych terarystyčnych hrupovak. A heta aznačaje i dadatkovuju padtrymku, i dadatkovyja hrošy.

I, kaniečnie, jany zacikaŭlenyja ŭ praciahu. Tym bolš, što Rasija siońnia faktyčna nie choča pryznavać ich pośpiech. Jana ihnaruje, nie vykazvajecca i nie dziejničaje suprać ich. Hetym i tłumačycca siońniašniaja novaja pahroza na adras Rasii i Pucina pra novyja terakty.

Ja dumaju, u hetym i jość ich łohika. I jak piša šmat chto z analitykaŭ, u Rasii spryjalnyja dla novych terarystyčnych akcyj umovy. Majecca surjoznaja, vialikaja tadžykskaja dyjaspara, suviazi ź Siaredniaj Azijaj, adkul hetaja hrupoŭka pieravažna i rekrutuje novych bajevikoŭ. 

Ciapier da Biełarusi. Pakolki jana razhladajecca faktyčna častkaj Rasii, a džychadysty, ja dumaju, asablivaj roźnicy dakładna nie robiać, pakolki Biełaruś padtrymlivaje ščylnyja adnosiny z vorahami «Isłamskaj dziaržavy» — Rasijaj dy Iranam — to mahčymaści teraktaŭ vyklučać nielha.

Inšaja sprava, što jany zacikaŭlenyja ŭ tym, kab zrabić heta ŭ takoj krainie, kab heta dazvoliła hučna zajavić pra siabie. U Biełarusi, kaniečnie, takoha hučnaha efiektu nie budzie.

Ale kali ŭ ich meta prosta pakazvać, što jany ŭ stanie sistematyčna niešta rabić, a voś zaraz jany pahražajuć Rasii novym teraktam, to ŭ hetym sensie hetaja chvala moža zakranuć i Biełaruś. Tamu heta ŭsio treba, biezumoŭna, usprymać vielmi surjozna.

— To bok, kali padsumavać, choć terarysty i ŭźniali płanku napadam na Maskvu, biełarusam rassłablacca ŭsio adno nie varta?

— Ja dumaju, što jany b chacieli, kaniečnie, padvyšać płanku. I hałoŭnaj metaj u ich, napeŭna, byŭ by terakt niedzie ŭ Jeŭropie. Kab pakazać, što jany ŭ stanie heta jašče i tam ździejśnić. A ź inšaha boku im važna pakazać, što heta była nie razavaja akcyja, što jany zdolnyja da sistematyčnaj dziejnaści. 

Kab prademanstravać, što jany novaja «Isłamskaja dziaržava». Spačatku była Al-Kaida. Potym źjaviłasia «Isłamskaja dziaržava» ŭ Siryi dy Iraka. A voś zaraz my pryjšli na hetaje miesca. Padajecca, što takija tam ambicyi.

• 1
• 0
• 1
• 2
• 1
• 4
• 7
• 0