Cukierki ad Koli Łukašenki, vyhladaje, tak dobra pajšli, što «Kamunarka» pabuduje ŭ Loźnie cech pa ich vytvorčaści
«Kamunarka» płanuje budavać u Loźnie cech pa vypusku prysmakaŭ z suchoha małaka z panižanym utrymańniem cukru. Uzhodniena vydzialeńnie ŭčastka, idzie etap vybaru abstalavańnia, piša Biełta. Hetyja prysmaki stali viadomyja tym, što ich pryvioz z Kitaja Mikałaj Łukašenka, pačastavaŭ imi baćku, a toj zapatrabavaŭ puścić ich u masavuju vytvorčaść.
Jak piša Biełta, u minułym hodzie adrazu na dźviuch placoŭkach startavała vytvorčaść kandytarskich vyrabaŭ z suchoha małaka. «Kamunarka» vypuściła małočnaje draže «Dziciačyja historyi». «Słodyč» prapanavaŭ cukierki, vafli, piečyva, u tym liku biez cukru.
Novy prajekt chočuć realizavać da 2025 hoda. Abiacajuć kala 20 pracoŭnych miescaŭ. «Da 40% małočnych cukierak aryjentavana na ekspart, u tym liku ŭ KNR. Čakany abjom vytvorčaści — 360 t u hod», — adznačyŭ staršynia kancerna «Biełdziaržcharčpram» Aleh Žydkoŭ.
Zrabić cukierki, anałahičnyja kitajskim, patrabavaŭ Łukašenka ŭ lipieni. «Mikałaj pryvioz mnie ich z Kitaja, ja pakaštavaŭ sam. Viadoma, heta nie dla mianie. Ale dzieci, maleńkija dzieci z najvialikšym zadavalnieńniem jaduć hety łasunak. Čamu my nie možam rabić heta i pradavać? I, hałoŭnaje, svaich ludziej zabiaśpiečyć», — skazaŭ jon.
Čynoŭniki chutka adreahavali na daručeńnie i nieŭzabavie vypuścili probnuju partyju.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary