Rasija rychtujecca da novaha bujnoha nastupu ŭzdoŭž usioj linii frontu, piša brytanskaje vydańnie The Economist.
U artykule aŭtary adznačajuć, što viasna pryniesła na front niekatoraje prypynieńnie bajavych dziejańniaŭ z-za niemahčymaści techniki prasoŭvacca pa vilhotnaj ziamli, pierakazvaje asnoŭnaje «Ukrainskaja praŭda».
«Ale heta nie budzie doŭžycca doŭha. Ź pierachodam viasny ŭ leta jość aściarohi, što Rasija pačnie novy vialiki nastup, jak heta było letaś. I niama ŭpeŭnienaści, što Ukraina zdolnaja strymać jaho hetym razam. Mienavita tamu joj nieabchodna terminova mabilizavać bolš vojskaŭ i pabudavać bolš nadziejnuju abaronu na linii frontu», — havorycca ŭ materyjale.
Aŭtary taksama pišuć, što pramarudžvańnie z rašeńniem pieradačy nieabchodnaj vajennaj dapamohi z boku ZŠA i Jeŭropy ŭjaŭlaje ryzyki, pakolki Rasija «moža prarvać niedastatkovyja abarončyja linii Ukrainy».
«Adnak Ukraina nie moža prosta vinavacić svaich chaŭruśnikaŭ. Jana taksama dapuściła pamyłki. Adnoj ź ich źjaŭlajecca jaje pravał u pytańni čałaviečaj siły. Rasija rychtujecca da čarhovaj chvali mabilizacyi z metaj nastupnaha vialikaha nastupu. Terarystyčny napad na maskoŭskuju kancertnuju zału 22 sakavika moža napraŭdu palehčyć hetuju zadaču dla Uładzimira Pucina, jaki vykarystoŭvaje jaje dla taho, kab zajavić, što Rasija pavinna być mocnaj pierad tvaram kryvažernych vorahaŭ», — pišacca ŭ artykule.
Adznačajecca, što Ukraina «vielmi spaźniłasia z umacavańniem ułasnych abarončych pazicyj», a «ŭrad usio jašče maryć ab novym kontrnastupleńni i baicca dumki, što ciapierašniaja linija frontu moža pieratvarycca ŭ niešta nakštałt miažy».
«Dumka pra toje, što hetaja linija moža stać asnovaj dla budučych mirnych pieramovaŭ, — heta mienavita toje, čaho spadar Zialenski chacieŭ by paźbiehnuć. Ale niebiaśpieka ciapier nastolki vialikaja, što heta najmienš drenny varyjant», — piša The Economist.
Ciapier čytajuć
«Jany mianie saromiejucca». Jak praz 12 hadoŭ žyvie biełaruska, što naradziła dvajniat u 54 hady28
Kamientary
Tolki nie fakt, što jana zdoleje prahłynuć nastolki bujny...