Litva i Polšča nie vypuskajuć małdaŭski dziciačy chor ź Biełarusi
22 sakavika chor vystupiŭ u Varšavie, a zatym adpraviŭsia na kancert u Biełaruś, a nazad vyjechać nie moža.
Polšča i Litva bolš za sutki nie vypuskajuć ź Biełarusi aŭtobus ź dziećmi — udzielnikami małdaŭskaj charavoj studyi «Rapsodyja» z Kišyniova, im nie dazvalajuć pierasiekčy miažu. Pra heta paviedamiła kiraŭnica kalektyvu, zasłužanaja artystka Małdovy Natalla Barabanščykava ŭ sacsietkach, piša absatz.media.
22 sakavika chor vystupiŭ u Varšavie, a zatym adpraviŭsia na kancert u Biełaruś. Paśla vystupu dzieci na aŭtobusie vyjechali z Bresta i pasprabavali vyjechać praź miažu z Polščaj, adnak ich nie prapuścili.
«Isnuje niejki zakon, pra jaki nie viedaje nichto ŭ našaj krainie, što my nie možam jak tranzitnyja pasažyry, pakolki my nie rejsavy aŭtobus, vyjechać ź Biełarusi. Naša ambasada paraiła nam prajechać praź Litvu, ź miažy Litvy nas viartajuć nazad u Biełaruś», — raspaviała Barabanščykava.
Ciapier ludzi nijak nie mohuć viarnucca ŭ Małdovu. Aŭtobus achoŭvajuć aŭtamatčyki i nikoha nie vypuskajuć, dadała kiraŭnik studyi.
Da pamiežnaha punkta vyjechaŭ konsuł Małdovy ŭ Biełarusi. Kiroŭcu aŭtobusa «vypisali admovu ab ujeździe z pryčyny pahrozy biaśpiecy Litvy».
«Pamiežniki byli niaŭmolnyja — nam daviałosia viartacca». Ź jakimi składanaściami sutykajucca biełarusy, jedučy za miažu ź vizaj RVN
Hrodzienski pieravozčyk prydumaŭ hienijalny chod, jak chutka pierasiekčy miažu aŭtobusu. I zekanomiŭ sutki
Kvitkoŭ na aŭtobusy ź Biełarusi ŭ Litvu nie dakupicca. Kolkaść rejsaŭ skaračajecca, ceny rastuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary
Ad litoŭskaj farmuloki prosta pad stałom 🤦🏼♂️
Heta ž nakolki ŭsio kiepska musić być u Litvie ź dziaržaŭnaj biaśpiekaj, kali pahrozu im niasie małdaŭski kiroŭca aŭtobusa ź dziećmi?