Były trenier bresckaha «Dynama» pryznaŭsia, što tracić u Maskvie da 500 jeŭra za miesiac
«Kali ja traču bolš €500 za miesiac, heta ŭžo budzie šmat», — kaža Marceł Lička.
Hałoŭny trenier futbolnaha maskoŭskaha «Dynama» Marceł Lička raskazaŭ, kolki hrošaj jon tracić na žyćcio ŭ Maskvie, piša Championat.com
«Zacharan [hulaje za «Reał Saśjedad» — NN] raspavioŭ, što tracić u Ispanii € 2-3 tys.? Heta šmat! Čamu tak šmat? (Śmiajacca)
Kali ja traču bolš €500 za miesiac, heta ŭžo budzie šmat. U mianie abied i treniroŭka na bazie. Mahu schadzić u kramu i kupić pradukty dadomu, kab pryhatavać sabie viačeru. Ja maksimum traču ŭ miesiac u Maskvie €500 — mnie hetaha chapaje», — skazaŭ češski śpiecyjalist.
Lička zaniaŭ pasadu hałoŭnaha treniera maskoŭskaha «Dynama» minułym letam. Paśla 21 matča ŭ rasijskaj premjer-lizie kłub maje 38 bałaŭ i znachodzicca na trecim radku turnirnaj tablicy.
U 2018-2019 hadach Marceł Lička treniravaŭ bresckaje «Dynama» i pryvioŭ u 2019-m kłub da załatych miedaloŭ u čempijanacie Biełarusi, spyniŭšy 13-hadovuju hiehiemoniju BATE.
Niahledziačy na pieršaje miesca kłub vyrašyŭ nie praciahvać kantrakt z češskim trenieram, i toj pierabraŭsia ŭ Rasiju, dzie treniravaŭ «Arenburh».
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5
Kamientary
V maCkvie!
...niet chleba, puskaj jediat pirožnyje!)