U Hrodnie sudzili maci palitviaźnia za atrymanyja joj pradukty
Piensijanierku Irynu Panasik aštrafavali za atrymańnie zamiežnaj dapamohi. Jana atrymała praduktovy nabor ad INeedHelpBY, jaki kupili praź internet-kramu «Jeŭraopt». Vierahodna, heta maci palitviaźnia Valancina Panasika, asudžanaha na šeść hadoŭ kałonii, piša Hrodna Life.
Sud paličyŭ, što Iryna źviazałasia z arhanizacyjaj INeedHelpBY, jakaja paźniej była pryznanaja ekstremisckim farmiravańniem. Žančyna padała dakumienty z prysudam syna i atrymała tavary na 282,84 rubloŭ. Tak jana nibyta pryčyniła škodu dziaržaŭnym i hramadskim intaresam i parušyła abz.2 p. 2 Dekreta Łukašenki ad 25.05.2020 № 3 «Ab zamiežnaj biazvypłatnaj dapamozie» (u redakcyi ad 08.11.2021 № 7).
Iryna vinu nie pryznała. Sud Leninskaha rajona 15 sakavika pastanaviŭ aštrafavać jaje na 30 bazavych vieličyń (1200 rubloŭ) i spahnać na karyść dziaržavy košt dapamohi — 282,84 rubloŭ. Taksama ŭ jaje kanfiskujuć telefon.
Valancin Panasik 5 studzienia 2022 hoda byŭ asudžany da šaści hadoŭ pazbaŭleńnia voli za publikacyi ŭ sacyjalnych sietkach, jakija źmiaščajuć zakliki da vuličnych pratestaŭ, aktyŭnaha supracivu ŭ vypadku ich padaŭleńnia. Jon trapiŭ u śpis asobaŭ, «datyčnych da terarystyčnaj dziejnaści» — jamu zabaronienyja hrašovyja pieravody. Utrymlivaŭsia ŭ hrodzienskaj turmie № 1, ciapier — u babrujskaj PK № 2.
Usiaho ŭ Biełarusi ciapier viadoma pra 127 sudoŭ pa spravach, źviazanych z INeedHelpBY. Siarod inšaha, ich abvinavačvajuć u tym, što jany «niepravamierna lehitymizavali złačyncaŭ», nadajučy im «psieŭda-status palitviaźniaŭ».
Šmatdzietnuju maci z Pastaŭ aštrafavali za atrymańnie dapamohi ad INeedHelpBy
Praz dapamohu synu-palitviaźniu prajšła praz sud i musiła ŭciačy ŭ Litvu. Historyja Aksany Chinievič
Minimum 100 sudoŭ. Praciahvajecca pieraśled za atrymańnie dapamohi praz INeedHelpBY
Zatrymanych niekalki socień, niekatorym paśla dopytaŭ nie viartajuć pašparty. Padrabiaznaści abłavy na salidarnych z palitviaźniami
Kamientary