Biełaruski ajcišnik Viktar Kuŭšynaŭ pakazaŭ svoj novy hadzińnik — vielmi simvaličny
Ajcišnik i były palitviazień Viktar Kuŭšynaŭ ciapier žyvie ŭ Partuhalii. U sacsietkach jon apublikavaŭ fota hadzińnika, jaki zamoviŭ ź Biełarusi.
«Amal 2 miesiacy čakańnia, razmytnioŭka, i voś. Ź niadaŭniaj kalekcyi, pryśviečanaj Ahinskamu. Na ramieńčyku frahmient «Raźvitańnia z Radzimaj», — napisaŭ u fejsbuku pad fota Viktar Kuŭšynaŭ.
Sieryju hadzińnikaŭ «Michaił Ahinski», u honar viadomaha kampazitara, zavod «Łuč» vypuściŭ u hetym hodzie. Cyfierbłat vykanany ŭ styli kišennych hadzińnikaŭ XVII stahodździa z vykarystańniem elemientaŭ familnaha hierba rodu Ahinskich. Na advarotnym baku korpusa — hraviroŭka z vyjavaj kampazitara. Korpus pakryty čyrvovym zołatam, škło sapfiravaje.
U kalekcyi dźvie madeli, vypuščanyja ŭ limitavanaj sieryi pa 100 asobnikaŭ kožnaja.
Viktara Kuŭšynava zatrymali ŭ vieraśni 2020 hoda. Na toj momant jon pracavaŭ u kampanii PandaDoc. Amal hod jon pravioŭ za kratami — vypuścili jaho ŭ žniŭni 2021 hoda, asudzić nie paśpieli. Paśla hetaha mužčyna vyjechaŭ za miažu.
Ciapier čytajuć
Babaryka: Kali b my pieramahli — vajny va Ukrainie nie było b20
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary