Lidar partyi «Zialonyja» Dźmitryj Kučuk abvinavačvajecca pa kryminalnym artykule
Suprać Dźmitryja Kučuka zaviedziena kryminalnaja sprava pa «narodnym» 342 artykule KK, paviedamlaje «Parłamiencki kanał».
Dźmitryj Kučuk byŭ zatrymany 16 lutaha kala rasijskaj ambasady, kudy palityk pryjšoŭ uskłaści kvietki ŭ dzień śmierci Alaksieja Navalnaha.
Kučuk atrymaŭ 15 sutak aryštu, zatym jašče 15, i na volu tak i nie vyjšaŭ.
«Adpracavanaja schiema, — kaža Anatol Labiedźka. — Kidajuć na Akreścina pa administratyŭnaj spravie i lichamankava šukajuć minimalnyja, farmalnyja padstavy dla kryminalnaj spravy. Dźmitryj niervavaŭ siłavikoŭ. Jon nie źjechaŭ. Jon nie začyniŭsia ŭ čułanie. Sprabavaŭ zarehistravacca padčas kampanii «Biazvybary», rabiŭ namahańni raspačać kampaniju pa zbory podpisaŭ za vyzvaleńnie palitviaźniaŭ. U jaho było adčuvańnie vinavataści pierad tymi, chto za kratami».
Źmicier Kučuk staŭ siomym lidaram biełaruskaj partyi, jaki apynuŭsia za kratami, piša «Parłamiencki kanał».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary