Amierykanskaja raźviedka papiaredziła ŭłady Izraila ab mahčymym vajennym adkazie Irana na avijaŭdar pa iranskim konsulstvie ŭ Damasku. Pa danych CRU, Iran moža atakavać Izrail užo ŭ najbližejšyja 48 hadzin.
Pa dadzienych Al Mayadeen, Iran płanuje kambinavanuju ataku z «daždžom» bieśpiłotnikaŭ i rakiet, vypuščanych sa svaich baz pa stratehičnych miescach u Izraili.
Jak paviedamlajecca, Izrail pastaviŭsia da papiaredžańnia surjozna. U krainie abvieščana mabilizacyja reziervistaŭ, u pieršuju čarhu zaklikali apierataraŭ izrailskaj zienitna-rakietnaj sistemy «Žalezny kupał». Uzbrojenyja siły krainy pryviedzieny ŭ poŭnuju bajavuju hatoŭnaść.
1 krasavika VPS Izraila nanieśli ŭdar pa pasolstvie Irana ŭ stalicy Siryi. Zahinuli nie mienš za siem čałaviek, u tym liku kamandzir padraździaleńnia «Al-Kuds» Korpusa vartavych isłamskaj revalucyi, hienierał Machamad Reza Zachiedzi.
Izrailskija ŭłady aficyjna nijak nie kamientavali paviedamleńni ab udary. Vydańniu The New York Times u administracyi Izraila na ŭmovach ananimnaści paćvierdzili, što ataku ździejśnili vajskoŭcy hetaj krainy. Surazmoŭcy vydańnia nastojvali, što ŭ abjekta, pa jakim nanieśli ŭdar, nie było statusu dypłamatyčnaj ustanovy, i tamu jon byŭ «zakonnaj cellu».
«My mocnyja, my vyvieziem». Televiadučy Jaŭhien Bułka viarnuŭsia ŭ Izrail i pajšoŭ pracavać čornarabočym
Biełaruś uvachodzić u lik krain z samym nizkim uzroŭniem teraryzmu
Izrailskaja palicyja zatrymała siastru lidara CHAMAS. Pry pieratrusie znajšli kiłahram zołata i sotni tysiač šekielaŭ
Arabski śviet nie choča dapamahać ahienctvu AAN, čyje supracoŭniki zabivali i vykradali izrailcian
Ciapier čytajuć
Łukašenka sustreŭsia sa śpiecpasłańnikam Trampa Kitam Kiełaham12
Kamientary
Hučnaja sprava ŭ śviecie ŭ apošnija dni, asabliva ŭ Polščy, Aŭstralii i Vialikabrytanii, bo zabityja byli z hetych krain.
Heta značna bolš istotnaja infarmacyja, čym sotni pra rasiejskija zorki, jakija tut publikujucca.