U najbližejšyja piać hadoŭ kolkaść pryzyŭnikoŭ budzie skaračacca štohod na 4—6%
Apošnija dva hady dla kamplektavańnia vojskaŭ novym papaŭnieńniem adbor pryzyŭnikoŭ pravodzicca «va ŭsio bolš składanych umovach z pryčyny značnaha skaračeńnia ich kolkaści».
Pra heta paviedamiŭ žurnalistam 18 studzienia ŭ Minsku namieśnik načalnika hałoŭnaha arhanizacyjna‑ mabilizacyjnaha ŭpraŭleńnia Hienieralnaha štaba Siarhiej Puzakoŭ.
Pavodle jaho słoŭ, papiaredni analiz pakazvaje,
što ŭ najbližejšyja piać hadoŭ štohod kolkaść pryzyŭnikoŭ budzie źmianšacca na 4—6%.
Paśla hetaha abjom pryzyŭnych resursaŭ stabilizujecca na minimalnym uzroŭni, skazaŭ Puzakoŭ. Rost kolkaści pryzyŭnikoŭ vajennyja čakajuć nie raniej čym praz 15 hadoŭ. «Heta źviazana z demahrafičnaj situacyjaj u Biełarusi ŭ pačatku 1990‑ch hadoŭ», — skazaŭ Puzakoŭ. Pradstaŭnik Hienštaba adznačyŭ, što zaraz najaŭnaść resursaŭ, jakija padlahajuć pryzyvu i adpraŭcy na vajennuju słužbu, «u cełym dazvalaje adabrać dla kamplektavańnia Uzbrojenych sił i inšych voinskich farmiravańniaŭ nieabchodnuju kolkaść pryzyŭnikoŭ pa stanie zdaroŭja i maralna‑dziełavych jakaściach».
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary