Homielski fiermier Hancevič staŭ zarablać na pravakacyjach karystalnikaŭ tyktoku
11 krasavika ŭ Homielskim abłasnym sudzie projdzie razhlad apielacyi pa hramadzianskaj spravie pa pazovie homielskaha błohiera Juryja Hanceviča da žycharki Mazyrskaha rajona. Heta ŭžo nie pieršy padobny praces z udziełam fiermiera-pravakatara.
«Fłahštok» vyvučyŭ takija spravy ź jahonym udziełam, apublikavanyja ŭ banku sudovych pastanoŭ i raspaviadaje, jakim čynam Hancevič arhanizuje svaje pravakacyi.
11 krasavika ŭ Homielskim abłasnym sudzie projdzie razhlad apielacyi pa hramadzianskaj spravie pa pazovie homielskaha błohiera Juryja Hanceviča da žycharki Mazyrskaha rajona. Heta ŭžo nie pieršy taki praces ź jaho ŭdziełam. Eks-kandydat u deputaty Juryj Hancevič siońnia nie taki aktyŭny ŭ sacyjalnych sietkach, jak u papiarednija hady.
Adnak ź jaho niačastych publikacyj na Youtube-kanale možna zrazumieć, što fiermier zasiarodziŭsia na pravakacyjach karystalnikaŭ tyktoku. Dla hetaha jon vydaje siabie za inšych ludziej, ad asoby jakich robić absurdnyja zajavy. Za apošnija paŭhoda ŭ banku sudovych rašeńniaŭ majecca jak minimum dva epizody, što supadajuć pa apisańni z tym, što publikuje błohier.
18 studzienia 2024 hoda sud Baranavickaha rajona pastanaviŭ vypłacić maralnuju kampiensacyju Hanceviču «hramadziancy Ja.». U abhruntavańnie patrabavańniaŭ Hancevič pakazaŭ, što ŭnačy 24 vieraśnia 2023 hoda dałučyŭsia da «Ja.», dzie padčas pramoha efiru ŭ tyktoku žančyna pačała jaho abražać u prysutnaści prykładna 10 padpisčykaŭ. U dokaz jon pryvioŭ videazapis ich razmovy.
«Hramadzianka Ja.» fakt abrazy na asprečvała, adnak patłumačyła, što abraziła Hanceviča, pakolki viedała, što jon naŭmysna vydaje siabie za «doktara-psichaterapieŭta, jaki vyvodzić ludziej na emocyi i potym piša na ich zajavy». Svaje niecenzurnyja vyrazy jana patłumačyła adkazam na pravakacyjnyja paviedamleńni ŭ čacie, napisanyja padpisantami Hanceviča.
Błohier acaniŭ maralnuju škodu ŭ 2 500 rubloŭ, adnak sud, uličvajučy, što adkazčyca maje na ŭtrymańni 4 niepaŭnaletnich dziaciej pastanaviŭ vypłacić Hanceviču kampiensacyju 200 rubloŭ i dziaržpošlinu 111 rubloŭ. Raniej pa hetym incydencie žančyna była padvierhnutaja administracyjnamu spahnańniu ŭ pamiery 10 bazavych vieličyń (370 rubloŭ).
Druhoj viadomaj achviaraj stała žycharka Mazyra P. Z matyvirovačnaj častki pastanovy suda Mazyrskaha rajona vynikaje, što incydent adbyŭsia pozna ŭviečary 14 listapada 2023 hoda. Žančyna viała pramy efir tyktoku, u pracesie jakoha ŭ jaje adbyłasia słoŭnaja svarka z Hancevičam.
Akramia Hanceviča zajavu z prośbaj pryciahnuć žančynu da administracyjnaj adkaznaści za abraźlivyja vyrazy taksama napisaŭ hramadzianin «K.».
Dokaznaj bazaj pasłužyŭ videazapis pramoha efiru. U vyniku sud pryznačyŭ žančynie administracyjny štraf 15 bazavych vieličyń (555 rubloŭ).
11 krasavika ŭ Homielskim abłasnym sudzie budzie prachodzić razhlad apielacyi pa hramadzianskaj spravie pa pazovie Juryja Hanceviča da žycharki Mazyrskaha rajona. Ź vialikaj dolaj upeŭnienaści možna mierkavać, što ŭ dadzienym vypadku idzie havorka ab kampiensacyi maralnaj škody, pradjaŭlenaj Hancavičam u adnosinach da hramadzianki «P.» z Mazyra.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary