Zianon Paźniak patłumačyŭ, čamu tak aburyŭsia prapanovaj hałoŭnaj redaktarki «Chartyi 97» Natalli Radzinaj bambić biełaruskija NPZ.
U efiry «Biełsata» Zianon Paźniak adznačyŭ, što ličyć prapanovu Radzinaj žachlivaj, bo jaje realizacyja pryviadzie da vajny:
«Zaklikać bambić ułasny narod, ułasnuju krainu za što? Jon ža nie ŭdzielničaje ŭ vajnie. Vy što? Heta budzie vajna, kali takoje pačać».
Paźniak nahadaŭ, što Radzina žurnalistka:
«Što vy leziecie ŭ palityku? Vy atrymlivajecie srodki ad Jeŭraźviazu. Biudžet. Vy viedajecie, jakija praviły dla žurnalistaŭ? Čym vy zajmajeciesia? Pry tym čałaviek choć by razumieŭ, što jon havoryć. Heta prosta złačynnaja reč».
Zadača biełarusaŭ ciapier, adznačyŭ Paźniak, «zachavać našu dziaržavu, ekanomiku, narod, našyja kaštoŭnaści, nie leźci ŭ vajnu i dapamahčy Ukrainie pieramahčy mordara».
«Nijakija pieramovy, sankcyi, nijakija inšyja spravy ničoha nie vyrašać. Vyrašajecca na froncie. Heta mahčymaść była i jašče jość. Ukraina pavinna pieramahčy. Mordar pavinien być razburany».
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary
Kali redakcyja vykaža svaju pazicyju?