Hramadstva4848

Cichanoŭskaja raspaviała pra vyniki pieramoŭ z pradstaŭnikami «Vialikaj siamiorki»

Na ministerskim samicie G7 u Italii ŭpieršyniu była pradstaŭlena Biełaruś i jaje intaresy. Lidarka demsił Śviatłana Cichanoŭskaja raskazała pra vyniki sustreč z pradstaŭnikami krain «Vialikaj siamiorki».

 Fota: ofis Cichanoŭskaj

Cichanoŭskaja adznačyła, što siońnia, 18 krasavika, sustrakałasia ź ministrami zamiežnych spravaŭ «Vialikaj Siamiorki».

 «Maja meta tut — viarnuć Biełaruś u mižnarodny paradak dnia, kab mižnarodnaja supolnaść adroźnivała biełaruski režym ad naroda, a izalujučy Łukašenku — nie izalavała biełarusaŭ. Ja zaklikała ministraŭ praciahvać padtrymku našaj hramadzianskaj supolnaści i miedyjaŭ. Raspaviała pra losy našych palitviaźniaŭ, u tym liku Maryi Kaleśnikavaj, Alesia Bialackaha, i što takoje inkamunikada. My havaryli pra pryciahnieńnie režymu da adkaznaści, nie tolki za vajnu suprać Ukrainy, ale i za represii suprać biełarusaŭ. 

I biezumoŭna, padymała pytańnie abarony našaj niezaležnaści — Biełaruś nie pavinna stać suciašalnym pryzam dla Pucina. Biełaruś musić być jeŭrapiejskaj, svabodnaj, niezaležnaj i demakratyčnaj dziaržavaj», — raspaviała Cichanoŭskaja. 

Ź dziaržaŭnym sakratarom ZŠA Entani Blinkienam jana abmiarkoŭvała padtrymku dla Ukrainy i Biełarusi. 

«U hetyja dni prymajecca važnaje rašeńnie ab dapamozie Ukrainie — i ja spadziajusia, što jano budzie pryniataje. Bo losy našych krainaŭ — Biełarusi i Ukrainy — uzajemaźviazanyja», — skazała jana. 

Pavodle jaje słoŭ, dziaržsakratara ZŠA vielmi chvaluje los našych palitviaźniaŭ, i ZŠA prykładvajuć namahańni dla ich vyzvaleńnia. 

Ź ministarkaj zamiežnych spravaŭ Analenaj Bierbok jany havaryli pra padtrymku Hiermanijaj niezaležnych miedyjaŭ, NDA, pra prahramy reabilitacyi dla palitviaźniaŭ.

 Ź ministram zamiežnych spravaŭ Vialikabrytani Devidam Kemieranam abmierkavali mahčymaści praviadzieńnia stratehičnych kansultacyjaŭ ź Vialikabrytanijaj, jak heta ŭžo zroblena z ZŠA. Jon raspavioŭ pra svaju niadaŭniuju sustreču z pradstaŭnikami biełaruskaj hramadzianskaj supolnaści.

A ź Viarchoŭnym pradstaŭnikom ES Žazepam Barelem abmierkavali padtrymku dla biełaruskaj hramadzianskaj supolnaści, a taksama prablemy biełarusaŭ u vyhnańni. 

«Ja padziakavała za apošnija rašeńni ES pa Biełarusi, u pryvatnaści padtrymlivać mabilnaść biełarusaŭ i kantakty pamiž ludźmi. Biełarusam patrebna bolš vizaŭ, bolš stypiendyjaŭ, bolš kantaktaŭ ź jeŭrapiejcami.

My niadaŭna praviali sustreču z pradstaŭnikami ES pa tym, jak zrabić dapamohu ES dla Biełarusi bolš efiektyŭnaj, dla miedyjaŭ, hramadzianskaj supolnaści, pryvatnaha biźniesu, jaki vyjechaŭ praz represii. Upieršyniu Jeŭrapiejski sajuz vydzieliŭ hrošy na papularyzacyju biełaruskaj movy i kultury. Ja radaja, što Žazep Barel amal u kožnym vystupie zhadvaje, što budučynia Biełarusi — u Jeŭropie», — raspaviała Cichanoŭskaja. 

Naprykancy jana padziakavać usim biełarusam, jakija praciahvajuć zmahacca za pieramieny ŭ našaj krainie. «Viedajcie, svabodny śviet nas padtrymlivaje. A ja budu rabić usio mahčymaje, kab pytańnie Biełarusi nie sychodziła ź mižnarodnaha paradku dnia», — skazała jana.

Kamientary48

  • Voś za heta - DZIAKUJ!
    18.04.2024
    ”Upieršyniu Jeŭrapiejski sajuz vydzieliŭ hrošy na papularyzacyju biełaruskaj movy i kultury."
  • Tietka s usami
    18.04.2024
    Tak a šo nasčiet toho, čto avtiki 30 časov idut do hrodno iz biełostoka?
    • Zazimlańnie
      18.04.2024
      [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy5

«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy

Usie naviny →
Usie naviny

Łukašenka: Biełarusi treba vajennaja mabilizacyja, kab utrymać ekanomiku krainy ŭ składanaj mižnarodnaj abstanoŭcy20

Pamior pieršy chakieist ź Biełarusi ŭ NCHŁ1

«Taksist mieŭ racyju». Maładyja pradprymalniki raskazali, što tarmozić ich nievialikija biznesy2

Raspaŭsiudžvajecca novy niebiaśpiečny narkotyk. Jon užo dajšoŭ da krain Bałtyi9

Sajt «Lusterka» atakujuć druhi dzień z-za artykuła, što Ofis Cichanoŭskaj prapanavaŭ kruhły stoł z Łukašenkam16

Łukašenka zajaviŭ pra patrebu palapšeńnia adnosin z Zachadam «dla razboru zavałaŭ», jakija «pieraškadžajuć našaj pracy na suśvietnych rynkach»26

Na skryžavańni Bahdanoviča i Mašerava ŭ Minsku źmieniać schiemu arhanizacyi ruchu

U Minsku chočuć nazvać vulicu imiem kadebista «Nirvany» Fiedasiuka, jaki zahinuŭ u pierastrełcy ŭ kvatery Zielcara24

Premjer Litvy Pałuckas padaŭ u adstaŭku1

bolš čytanych navin
bolš łajkanych navin

«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy5

«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy

Hałoŭnaje
Usie naviny →

Zaŭvaha:

 

 

 

 

Zakryć Paviedamić