Kolki dali pjanamu minčuku, jaki ŭdaryŭ «ružačkaj» vypadkovaha čałavieka? Heta ž nie palityka, tamu jaho pakinuli doma
Sud razhledzieŭ kryminalnuju spravu 24-hadovaha minčuka, jakoha vinavacili ŭ asabliva złosnym chulihanstvie.
Ranicaj u adzin ź dzion śniežnia 2023 hoda minčuk vyjšaŭ z doma na pracu. Raptam z-za kuta doma pa zavułku Kabuškina vyjšaŭ pjany piersanaž u majcy.
Hety piersanaž padyšoŭ da minčuka i, ničoha nie kažučy, udaryŭ horłyškom raźbitaj butelki ŭ levy bok i ruku, parvaŭšy kurtku.
Minčuk kinuŭsia biehčy, ale złačyniec rušyŭ uśled za im. Tady mužčyna źniaŭ zaplečnik i staŭ adbivacca ad jaho. Kali napadnik syšoŭ, minčuk patelefanavaŭ u milicyju.
Ahresiŭnaha piersanaža znajšli pa kamierach nazirańnia i zatrymali. Jon raspavioŭ, što napiaredadni sustrakaŭsia ź siabrami i pierabraŭ z ałkaholem. U vyniku pryznaŭ vinu i zapłaciŭ achviary niejkija hrošy.
Što vyrašyŭ sud? Pakarańnie humannaje — try z pałovaj hady chatniaj chimii.
Choć pa artykule za asabliva złosnaje chulihanstva pahražała ad 3 da 5 hadoŭ chimii ci ad 3 da 10 hadoŭ kałonii.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary