Kiraŭnik vajskovaj raźviedki Izraila zvolniŭsia z-za pravału 7 kastryčnika
Kiraŭnik Upraŭleńnia raźviedki Hienštaba Armii abarony Izraila hienierał-major Aaron Chaliva abjaviŭ ab sychodzie ŭ adstaŭku. Pryčyna takoha rašeńnia — pravał viedamstva ŭ pieraduchileńni ataki palestynskich bajevikoŭ «Chamas» na Izrail 7 kastryčnika 2023 hoda.
«Pa ŭzhadnieńni z načalnikam hienieralnaha štaba i z uchvały ministra abarony było vyrašana, što hienierał-major Aaron Chaliva pakinie svaju pasadu i sydzie ŭ adstaŭku, jak tolki jaho pierajemnik budzie pryznačany», — paviedamiła pres-słužba CACHAŁa.
Jak adznačaje izrailski partał Ynet, kiraŭnik vajskovaj raźviedki Izraila pryniaŭ hetaje rašeńnie adrazu paśla abvastreńnia kanfliktu ŭ siektary Haza, ale abviaścić pra jaho zmoh tolki ciapier, paśla zaviaršeńnia aktyŭnaj fazy bajavych dziejańniaŭ u ankłavie.
Aaron Chaliva ŭziaŭ na siabie adkaznaść za pravał pry raptoŭnym napadzie «Chamasa» prykładna praz paŭtara tydnia paśla zdareńnia. «My pravalilisia ŭ našaj hałoŭnaj zadačy, i jak kiraŭnik upraŭleńnia vajennaj raźviedki ja niasu poŭnuju adkaznaść za toje, što adbyłosia», — kazaŭ jon.
Adrazu paśla napadu «Chamasa» na Izrail ŚMI sa spasyłkaj na krynicy pisali, što izrailskaja raźviedka viedała ab płanach bajevikoŭ na Izrail zadoŭha da napadu, ale jany nie pavieryli, što płan napadu realny, bo jon byŭ zanadta ambicyjnym i składanym.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary