MZS Ukrainy daručyła ŭsim konsulstvam prypynić akazańnie konsulskich pasłuh dla mužčyn 18—60 hadoŭ
Aficyjna ŭkrainskija ŭłady ab uviadzieńni zabarony nie paviedamlali.
MZS Ukrainy daručyła ŭsim konsulstvam prypynić akazańnie konsulskich pasłuh dla mužčyn 18—60 hadoŭ, piša Radyjo Svaboda.
Abmiežavańnie dostupu da konsulskich pasłuh uvodzicca ŭ suviazi z «praciaham uzbrojenaj ahresii Rasii suprać Ukrainy» i z metaj nie dazvolić hramadzianam Ukrainy paźbiahać «abaviazku pa ŭrehulavańni pytańnia vajskovaha ŭliku», śćviardžajecca ŭ liście.
Zabarona budzie dziejničać z 23 krasavika da atrymańnia viedamstvam tłumačeńniaŭ adnosna pałažeńniaŭ Zakona ab mabilizacyi, jaki nabudzie moc u mai. Da taho času ŭkraincy, jakija padpadajuć pad dziejańnie zabarony, zmohuć tolki aformić dakumienty dla viartańnia va Ukrainu.
Aficyjna ŭkrainskija ŭłady ab uviadzieńni zabarony nie paviedamlali.
Viarchoŭnaja Rada Ukrainy 11 krasavika pryniała novy zakon ab mabilizacyi, u jakim, u pryvatnaści, robiać bolš strohimi praviły vajskovaha ŭliku. Praz 5 dzion zakon padpisaŭ prezident Ukrainy Uładzimir Zialenski. Zakon ustupić u siłu ŭ mai.
Zhodna z dakumientam, usie vajennaabaviazanyja hramadzianie Ukrainy pavinny ŭdakładnić svaje vajskova-ŭlikovyja danyja na praciahu 60 dzion paśla publikacyi tekstu zakona. Heta datyčycca i tych, chto pražyvaje za miažoj, biez dakumienta ab voinskim uliku ŭkraincam nie buduć akazvać konsulskija pasłuhi.
Vajennaje stanovišča va Ukrainie dziejničaje z 24 lutaha 2022 hoda — dnia poŭnamaštabnaha rasijskaha ŭvarvańnia. Z hetaha ž dnia pačałasia i mabilizacyja. Mužčynam va ŭzroście ad 18 da 60 hod byŭ abmiežavany vyjezd z krainy. Zakanadaŭčyja normy, adnak, na dumku ŭładaŭ, nie dazvalali efiektyŭna arhanizavać praces mabilizacyi, paviedamlałasia pra šmatlikija vypadki admovy atrymlivać pozvy, źjaŭlacca pa ich dla źvierki źviestak i hetak dalej. Novy zakon, pa zadumie jaho aŭtaraŭ, pavinien ustanavić dakładnyja praviły pryzyvu i ŭzmacnić adkaznaść za ŭchileńnie ad jaho.
Ciapier čytajuć
Biełaruska zakazała na Wildberries 34 kupalniki i atrymała chvalu nianaviści ŭ sacsietkach14
Kamientary
Dla tych, chto baicca na front, treba rabić strojbat - niachaj budujuć umacavańni, techniku ramantujuć, snarady i drony vyrablajuć. Šmat čaho patrebna taho, što možna rabić na adlehłaści ad fronta, nieabaviazkova ŭsich u šturmaviki adpraŭlać.